Македонија

Фатон Сељами предложен за нов Народен правобранител

Тој е дипломиран правник, магистер по правни науки на Правниот факултет при Државниот универзитет во Тетово, а има положено и правосуден и нотарски испит

1 минута за читање

На денешната седницата на Комисијата за извори и именување, Фатон Сељами, раководител на Подрачно одделение на Министерството за правда во Тетово, е утврден како предлог за нов Народен правобранител

Сељами беше предложен од страна на пратеникот Беким Ќоку од Вреди.

Тој е дипломиран правник, магистер по правни науки на Правниот факултет при Државниот универзитет во Тетово, а има положено и правосуден и нотарски испит.

За избор на Народен правобранител, потребни се 61 глас „за“ во Собранието, но и бадинтерово мнозинство, односно 20 гласови „за“ од вкупно 39 пратеници од етничките заедници.

На огласот за нов Народен правобранител се јавиле 17 кандидати.

Изборот на нов Народен правобранител доаѓа откако досегашниот омбудсман, Насер Зибери, соопшти дека на 12 јули 2025 година му престана функцијата Народен правобранител поради исполнување на условите за старосна пензија.

Насер Зибери замина во пензија

 

Поврзани теми:

актуелно|народен правобранител|Насер Зибери|Фатон Сељани

Најнови вести од: Македонија

Македонија има огромен ИКТ потенцијал, компаниите да помогнат во дигиталната трансформација на земјата

Владата одлучи да се потпре на приватниот сектор во процесот на дигитализацијата и сега двете страни треба заедно да градат проекти кои ќе значат реализација дома, но и извоз на продуктите. Според претседателот на МАСИТ, ИКТ индустријата учествува со 4,5 отсто во националниот БДП на Македонија што е 1,65 милијарди евра годишен приход. Секторот брои над 3 000 компании со над 25 000 вработени, чија просечна бруто плата надминува 2 500 евра.

За економски напредок е неопходна синергија помеѓу образованието и индустријата

Темата на конференцијата „Recode Reality“ претставува повик да се преобликува улогата на технологијата: не само како алатка, туку како двигател на економски, институционални и општествени промени – како сила што ја моделира иднината.

Сиљановска-Давкова: Во бугарскиот устав нема Македонци, а бараат да внесеме во нашиот устав „дел од бугарскиот народ“?!

Во однос на барањето излезни решенија претседателката на Република Македонија Гордана Сиљановска-Давкова посочи дека е доволно е да се фрли поглед на уставните гаранции во бугарскиот Устав и да се споредат со уставните гаранции во нашиот Устав, за да се види, како што нагласи, „огромна недоследност“. „Јас би била прва, што ќе бара уставни измени, ако правата на бугарското малцинство кај нас се загрозени. Меѓутоа не јас, туку телото, што го создаде Советот на Европа, а на чии одлуки се повикуваат и ЕК и Европскиот совет, тоа е Венецијанската комисија, јасно кажува дека ние немаме уставни проблеми во поглед на заштитата на правата на малцинствата, бидејќи сме ги вградиле во Уставот највисоките стандарди преку интегрирање на Рамковниот договор во Уставот, а тој е во преамбулата посочен за разлика од нашиот сосед.“ – укажа Сиљановска-Давкова.

Од почетокот на годинава Царината инкасирала приходи од 1,95 милијарди евра

Една од клучните обврски на Царината нотирани и со извештајот на ЕК на што сме во целост посветени е борбата со царински измами и спречување обиди за шверц на тутун и тутунски производи – нагласува директорот Николовски.
Сите вести од Македонија

Најнови вести

To top