Македонија

Американскиот државен секретар Марко Рубио упати честитка по повод Денот на независноста на Македонија

– Во име на американскиот народ, упатувам најтопли честитки до народот на С. Македонија, додека славите 35 години независност. Соединетите Американски Држави се горди што стојат покрај С. Македонија како доверлив сојузник и партнер. С. Македонија игра важна улога во зајакнувањето на безбедноста и стабилноста низ целиот регион преку нејзината посветеност на нашата заедничка одбрана […]

1 минута за читање

– Во име на американскиот народ, упатувам најтопли честитки до народот на С. Македонија, додека славите 35 години независност. Соединетите Американски Држави се горди што стојат покрај С. Македонија како доверлив сојузник и партнер. С. Македонија игра важна улога во зајакнувањето на безбедноста и стабилноста низ целиот регион преку нејзината посветеност на нашата заедничка одбрана и соработка во борбата против тероризмот и напорите за сајбер безбедност, се наведува во честитката од Рубио објавена на веб страницата на Стејт департментот.

Американскиот државен секретар го поздравува континуираниот раст на економското партнерство, вклучително и преку овогодишниот Стратешки дијалог во Вашингтон.

– Заедно, ги унапредуваме можностите во енергетиката, инфраструктурата, технологијата и другите сектори за зајакнување на просперитетот во двете наши земји. Ви посакуваме радосен Ден на независноста и континуиран мир, безбедност и просперитет во годините што доаѓаат, истакнува Рубио.

Најнови вести од: Македонија

(Видео): Официјално пуштен реконструираниот аеродром „Свети апостол Павле“ во Охрид

По реконструкцијата што почна во март годинава, свечено е пуштен обновениот аеродром „Свети апостол Павле“ во Охрид. Ова е прва реконструкција на аеродромот по 56 години. Аеродромот има рекордни над 240 илјади патници од почетокот на годината досега, а очекувањата се дека вкупно оваа година ќе има околу 4 милиони патници.

(Фото галерија): Аеродромот во Охрид како вистински музеј – украсен со реплики на мозаиците и фреските од Плаошник и Света Софија

Мозаиците, реплики на оние кои се најдени на Плаошник, како и реплика на фреска од црквата Света СОфија од Охрид, го прават престојот во аеродромот мал музеј, кој ќе ги претставува убавините на Македонија, уште при пристигувањето.

Силјан: Македонскиот јазик e нашата куќа во времето, во него зборуваат предците, се огледува совеста на живите и се именува иднината на децата!

„На избори се добива мандат – не тапија на татковината. Ниту една партија, власт или генерација, не е сопственик на Македонија. Ние сме нејзини привремени чувари меѓу оние, што ја сонувале и оние, што ќе ја наследат.“- порача Раде Силјан во словото по примањето на Орденот „8 Септември“ на свеченоста по повод 35-годишнината од независноста на Македонија.

Мицкоски: Да бидеме генерацијата, која ќе ја внесе РМ во ЕУ, но без компромиси за идентитетот, јазикот и културата, оти тоа ќе биде уривање на АСНОМ и Илинден!

Премиерот Христијан Мицкоски денеска во своето обраќање по повод 35-годишнината од независноста на Република Македонија се осврна и на Европската Унија, нагласувајќи дека тој работи во насока да бидеме генерацијата, која ќе ја внесе државата во ЕУ, но додаде дека сите се свесни дека постои еден последен предизвик за да се почне со патот, а за да се надмине потребно да се да се создаде доверба.

Мицкоски: Има само една татковина, еден сон, една борба, една идеја: Македонија! Премалку сме да се делиме!

Верувајте во нашата татковина. Не затоа што е совршена. Туку затоа што е наша и затоа што можеме да ја направиме подобра. Не затоа што немаме проблеми. Туку затоа што имаме сила да ги решиме. Не затоа што историјата ни ветила победа. Туку затоа што ние сме подготвени да ја заслужиме – порача денеска премиерот на Република Македонија Христијан Мицкоски на свеченоста под мотото „Силно светнал ден!“, што се одржува на платото пред Владата на Република Македонија.

Македонците во Албанија: Честит Денот на независноста на Македонија, таа е нашиот завет!

Македонската партија, Македонската алијанса за европска интеграција (МАЕИ) и македонските друштва во Албанија, упатија честитка по повод 8 Септември – Денот на независноста, до сите Македонци, во татковината и каде и да живеат низ светот, порачувајќи: „Македонија е нашиот завет!“

Ахмети во празничната честитка: Да внимаваме, оти државата слабее кога граѓаните се чувствуваат исклучени!

„Охридскиот мировен договор ја преобрази самата држава. Тој ја промени филозофијата на нејзиното функционирање. Ја премести земјата од логиката на доминација на мнозинството кон принципот на соживот, еднаквост и заедничка одговорност. Оваа држава не е изградена за еден ден, ниту само од една заедница. Триесет и петгодишнината од независноста на С.Македонија е момент да размислиме сериозно каква држава сакаме да им оставиме на генерациите кои доаѓаат. Треба да бидеме внимателни. Затоа што државите не се ослабуваат со еднаквост, туку кога нивните граѓани почнуваат да се чувствуваат исклучени.“ – наведува лидерот на ДУИ Али Ахмети во честитката по повод 8 септември, Денот на независноста на Република Македонија, која ја објави на својот официјален фејсбук-профил.
Сите вести од Македонија

Најнови вести

To top