Денеска на панел-дискусијата „Повеќе учество – Повеќе демократија“, организирана од Унијата на жени на ВМРО-ДПМНЕ, разговаравме за вредностите кои ја градат нашата држава, демократијата, слободата и независноста на Македонија, објави претседателот на ВМРО-ДПМНЕ и премиер Христијан Мицкоски.
,,ВМРО-ДПМНЕ и идејата за независна, демократска и суверена Македонија се нераскинливо поврзани уште од времето пред осамостојувањето. Денес, 35 години по независноста, имаме обврска да го чуваме тоа наследство, но и постојано да ја унапредуваме демократијата преку отворен дијалог, почитување на различните мислења и силно учество на граѓаните.
Демократијата не е процес кој завршува, таа се гради секој ден. Единството во ВМРО-ДПМНЕ го градиме преку демократски процеси, разговор и заедничко носење одлуки. Особено ја ценам улогата на Унијата на жени, на сите наши сопартијки, мајки, сестри и активни членки кои со својата посветеност даваат огромен придонес во креирањето на политиките и во јакнењето на демократскиот капацитет на партијата и на Македонија”, порача Мицкоски.
