Хроника

Мексиканец удрил полицаец со лименка пиво во глава на „Октобер-фест“

Мексиканец доби притвор откако со лименка нападна полицаец во Ѓорче

31-годишен државјанин на Мексико, е осомничен за напад врз службено лице при вршење работи на безбедноста а Основното јавно обвинителство Скопје поведе постапка против него.

Инцидентот се случил на 19 септември за време на манифестацијата „Октобер Фест – звуците на културата“ во паркот „Ѓорче Петров“. Осомничениот, како што е наведено, физички нападнал полициски службеник кој се обидел да го легитимира.

Тој наводно го удрил полицаецот со лименка пиво во главата, а потоа повторно го нападнал, удирајќи го по рацете додека службеникот се обидувал да го приведе.

Од ОЈО Скопје информираат дека, имајќи предвид дека осомничениот нема пријавен престој во Македонија, јавниот обвинител оценил дека постои опасност од бегство.

Поради тоа, до судијата на претходна постапка е доставен предлог за определување мерка притвор за 31-годишниот осомничен.

Најнови вести од: Хроника

Пиштол и седум куршуми откриени кај совозач во службено возило на ЈП „Комунална хигиена“ – Скопје

Пиштол со седум куршуми бил пронајден кај совозач во службено возило на ЈП „Комунална хигиена“ – Скопје, при полициска контрола на булеварот „Гоце Делчев“. Едно лице е лишено од слобода, а за случајот е известен јавен обвинител, велат од Министерството за внатрешни работи, објави „Скопје 1.мк“

To top