Бизнис

Македонија и натаму со најевтини горива во регионот, велат од Владата

По одлуката на Регулаторната комисија за големо поскапување на дизелот, граѓаните гледаат кон следната сметка за струја. Ќе се прелеат ли повисоките цени на горивата и врз струјата?

По поскапувањето на дизелот за 104,5 денари во малопродажба, се огласи заменик-министерот за економија Марјан Ристески, кој вели дека Македонија и натаму ги има најниските цени на горива во регионот.

  • Мерките на Владата даваат резултати, Македонија со најниски цени на горивата во регионот. Во Македонија литар бензин 95 се продава за 99 денари, а цените во регионот се од 5% до 30% поскапи, најскапо во Грција.

Во Македонија литар дизел е 104,5 денари и во регионот е поскапо од 11 % до 40,5% во Албанија. Ова се реалните цели на горивата во Македонија и во регионот, македонските граѓани трошат помалку за да ги наполнат своите резервоари на возилата и со тоа им останува повеќе во нивните семејни буџети. Ова е доказ дека добро испланираните и променети мерки за намалување на цените, како што е намалување на ДДВ и акцизите, даваат резултати и ги држат под контрола малопродажните цени“, напиша Ристески на социјалните мрежи.

Поскапувањето на дизелот и неизвесноста на енергетските пазари повторно ги отворија прашањата за цените на горивата, струјата и влијанието врз семејните буџети. Додека Владата и ВМРО-ДПМНЕ тврдат дека преземените мерки даваат резултати, опозициските партии СДСМ и ДОМ предупредуваат на нов бран поскапувања и растечкитовар врз граѓаните.

Од СДСМ предупредуваат дека поскапиот дизел ќе влијае врз транспортот, земјоделството и цените на храната, што може да предизвика нов бран поскапувања на основните производи. Опозицијата посочува дека граѓаните се соочуваат со повисоки трошоци, долгови и стравувања од нов раст на сметките за струј, додека, според нив, поединци остваруваат милионски профити.

И од партијата ДОМ сметаат дека сегашниот модел на функционирање на енергетскиот сектор овозможува милионски профити за дел од сопствениците на соларни и ветерни паркови, додека трошоците ги плаќаат граѓаните преку сметките за струја.

Најнови вести од: Бизнис

(Видео): ТЕЦ „Неготино“ повторно ќе произведува струја, рече премиерот

Премиерот тврди дека струјата од ТЕЦ „Неготино“ би чинела од 170 до 175 евра за мегават-час. За три години е предвиден ископ и транспорт на три милиони тони јаглен од Косово, а ЕСМ подготвува набавка на 45.000 тони мазут.

Камата 4,6%, рок до 1 декември – Граѓаните можат да запишат обврзници од 10.000 денари

Четвртата емисија на Граѓански обврзници предвидува каматна стапка од 4,6 отсто и рок на достасување од две години. Запишувањето се врши во деловните банки, а аукцијата е закажана за 3 декември.

Просечна плата од 88.787 денари во ИТ секторот, во угостителството само 35.447 денари – на што се должи тоа?!

Растот на просечната нето-плата се должи на повисоките исплатени плати во секторот „снабдување со вода, отстранување на отпадни води, управување со отпад и дејности за санација на околината“, каде што е забележан раст од 11,6%.

Басани од Светска банка: Народна банка е силна институција што придонесува за стабилен и отпорен банкарски сектор

Басани нагласува дека осумдесетгодишнината на Народната банка е потсетник дека силните институции се градат со постојани вложувања, професионализам и континуитет низ генерациите.

To top