Македонија

Ана Стојаноска со „Идната Јас“ ќе ја претставува Македонија на Јуниорскиот Евросонг

МРТ ја претстави песната и официјалниот спот

Подготовките за македонскиот настап на Јуниорскиот Евросонг 2026 продолжуваат. Македонската радио-телевизија ги претстави песната „Идната Јас“ и официјалниот видеозапис со кој Ана Стојаноска ќе ја претставува Македонија на натпреварот што годинава ќе се одржи во Малта.

„Идната Јас“ е посветена на детските соништа, самодовербата и храброста младите да го следат сопствениот пат и да останат верни на себе додека растат.

Музиката е дело на Николче Мицевски, а текстот го потпишува Илчо Нечовски. Видеозаписот е снимен во продукција на МРТ, со колоритен и динамичен визуелен пристап што ја следи атмосферата и пораката на песната.

Стојаноска е од Струга и со музика и пеење се занимава уште од најмали нозе. На сцената во Малта ќе настапи заедно со танчерките Калина, Каја и Елена. Кореографијата е дело на Илија Карадакоски, а македонската делегација ја предводи шефот на делегацијата Дијана Гогова.

Тимот продолжува со интензивни подготовки за сценската изведба и за претставувањето на Македонија пред европската публика.

Јуниорскиот Евросонг 2026 ќе се одржи на 24 октомври во Малта. Директниот пренос ќе биде на МРТ 1, со почеток во 21 часот.

Песната „Идната Јас“ и официјалниот спот се достапни на дигиталните платформи и на официјалните канали на Македонската радио-телевизија.

Најнови вести од: Македонија

Мицкоски во Берлин на собир на ,,Коалицијата на волните”

Премиерот Христијан Мицкоски, заедно со министерот за надворешни работи и надворешна трговија Тимчо Муцунски, денеска во Берлин учествуваше на состанокот на Коалицијата на волните посветен на актуелната состојба во Украина и напорите за постигнување мир

АмЧам: Реформите, иновациите и меѓународните стандарди предуслов за подобра здравствена заштита

Американската стопанска комора во Македонија е акредитиран член на Стопанската комора на Соединетите Американски Држави и на мрежата на Американски стопански комори во Европа, организација која претставува 49 Американски стопански комори од 47 земји во Европа и Евроазија.

Велјановски до опозицијата: Не може да се заборави како ја пљачкавте државата

На денешната собраниска седница на Комисијата за финансирање и буџет каде се дискутираше Предлог-Буџетот за 2027 година, пратеникот од ВМРО-ДПМНЕ, Александар Велјановски, кажа дека и покрај долговите наследени од претходната влада, предводена од СДС, кои се тежок товар за државата, оваа Влада предводена од ВМРО-ДПМНЕ ќе продолжи со силни инвестиции, со работа на фискална консолидација, но и со зајакнување на здравствената и социјалната заштита на граѓаните.

Ристески: Клучен приоритет на Владата е да ги задржи младите во Македонија

Законот за сезонски работници што е во сила од 1 јануари 2026 година, сѐ уште не ги дава очекуваните резултати, но ова не е закон направен за една година. Затоа организираме информативни средби и настани со помош на медиумите, стопанските комори, работодавачите и синдикатите – за да ги анимираме луѓето дека пензионери, студенти, оние кои сакаат дополнително да работат и сите категории невработени лица можат да го искористат, без притоа да го изгубат стекнатиот статус, да имаат комплетно пензиско и здравствено осигурување, фер ангажман, платен работен час колку што се ангажирани дополнително и со тоа да остварат дополнителни приходи – рече денеска заменик-министерот за економија и труд, Марјан Ристески.

Општина Охрид ги засилува активностите за затворање на депонијата „Буково“ и воспоставување нов систем за комуналниот отпад

Завршена е постапката за избор на проектант за изработка на техничката документација за затворање на нестандардната депонија „Буково“, а во тек се и активностите за изградба на претоварна станица кај Мауцкер и собирен центар во Охрид. Претоварните станици и Регионалниот центар за управување со отпад во Новаци се очекува да бидат функционални во 2030 година. Ова беше истакнато на денешната средба во Општина Охрид, посветена на новиот Регионален план за управување со отпад и воспоставувањето интегриран систем за Југозападниот и Пелагонискиот плански регион.

To top