Агенцијата за национална безбедност соопшти дека, во координација со други надлежни институции, континуирано презема активности за откривање и попречување на пропагандна мрежа во земјава, која има деструктивна и малициозна агенда за остварување влијание врз јавниот дискурс, во корист на странски интереси.
„Во рамки на заеднички координирани активности на АНБ, МВР и ОЈО, на 18.09.2026 г. преземени се истражни дејствија кон македонски државјанин надоврзан на странски фактори кои се креатори на пропаганден апарат со мрежа на портали интегрирани и во македонскиот медиумски простор.
Според информации на на „Слободен печат“, македонски државјанин кој е во постапка за добивање бугарско државјанство, е под истрага за предизвикување национална, расна и верска омраза, раздор и нетрпеливост, за оддавање службена тајна поврзана со патувањето на сопругата на премиерот Христијан Мицкоски во Бугарија односно за обезбедувањето и припадниците на безбедносниот апарат кои биле на задача во склоп на таа посета, како и за ширење расистички и ксенофобичен материјал по пат на компјутерски систем.
Станува збор за лицето А.С. во чиј дом е извршен претрес при што се пронајдени и одземени предмети кои во моментов се предмет на дополнително вештачење.
Од Агенцијата за национална безбедност велат дека истрагата е во контекст на попречување пропагандни активности во функција на руските интереси.
Агенцијата за национална безбедност во координација со други надлежни институции континуирано презема активности за откривање и попречување на пропагандна мрежа во земјава, која има деструктивна и малициозна агенда за остварување влијание врз јавниот дискурс, во корист на странски интереси.
Во рамки на заеднички координирани активности на АНБ, МВР и ОЈО, на 18 септември преземени се истражни дејствија кон македонски државјанин надоврзан на странски фактори кои се креатори на пропаганден апарат со мрежа на портали интегрирани и во македонскиот медиумски простор.
Вистинските актери на оваа пропагандна мрежа која е во функција на руските интереси, се кријат преку клонирани псевдо-портали регистрирани со македонски интернет домејн. Преку овие псевдо-портали се шират лажни вести, дезинформации и се врши преобликување на наративи за актуелни настани, со што се поткопува довербата во институциите и се поттикнува етничка и национална омраза и нетрпеливост“, велат од АНБ.
Поради основано сомнение дека е сторител на КД „Предизвикување национална, расна и верска омраза, раздор и нетрпеливост” по член 319 од КЗ, „Одавање службена тајна” по член 360 од КЗ и „Ширење на расистички и ксенофобичен материјал по пат на компјутерски систем” по член 394-г од КЗ, извршен е претрес во неговиот дом при што се пронајдени и одземени предмети кои во моментов се предмет на дополнително вештачење.