Министерството за правда издаде соопштение во врска со случајот на Ива Михајлова, изразувајќи загриженост поради нејзиниот прием на високо ниво во Софија, во време кога сè уште е на сила судски наложената забрана за неа.
„Владеењето на правото подразбира еднаквост пред законот, почитување на судските одлуки и строго придржување кон законските процедури.
Националната припадност и државјанството не треба да служат како основ за привилегиран третман или за нееднаква примена на законот.“ соопштија од Министерството за правда.