Македонското здравство и медицинската заедница изгубија еден од своите најценети стручњаци – почина проф. д-р Зоран Спировски, истакнат торакален хирург, поранешен директор на Клиниката за торакална и васкуларна хирургија и долгогодишен професор на Медицинскиот факултет во Скопје.
Веста за неговата смрт ја објави директорот на ФЗО, Сашо Клековски, кој истакна дека професорот Спировски остави неописливо длабока трага во македонското здравство преку својата неуморна посветеност, хуманост и врвна професионалност.
Во текот на својата повеќедецениска кариера, д-р Спировски спаси огромен број човечки животи, а како универзитетски професор несебично го пренесуваше своето знаење, искуство и етички вредности на генерации млади хирурзи.
„Почивај во мир, професоре“, порача Клековски, упатувајќи искрено и длабоко сочувство до семејството, блиските колеги, студентите и сите што го познаваа и почитуваа неговиот лик и дело.