Бизнис

Азески: За минимална плата треба да се разговара и да се дојде до најдоброто решение

Секој треба да си понесе дел од својата одговорност. Само така може да се постигне ефикасен економско-социјален дијалог. Ние сакаме работниците да имаат поголеми плати, работодавачите да остваруваат поголеми профити од државата, потенцира претседателот на СКМ Бранко Азески. Во однос на владината одлука да се зголеми квотата на странски работници во Македонија, тој истакна дека ако подолго време образованието не испорачува кадар за потребите на бизнисот, ќе мора да увеземе работна рака.

2 минути за читање

Ние сакаме да има што повисок праг на минимална плата, но тоа може да се уреди со зголемување на ефикасноста на работењето и продуктивноста, како и со намалување на трошоците, а треба да е поврзано и со одредени елементи кои значат раст на БДП, рече претседателот на Стопанската комора Бранко Азески. Според Азески, за ова прашање треба да се разговара, да седнат трите страни, работниците, Владата и работодавачите и да се дојде до најдоброто решение.

  • Ние можеме да одиме со какво сакате зголемување на минималната плата која утре нема да биде исплатена и тоа ќе донесе поголеми тешкотии за вкупната економија во државата, истакна Азески.

Тој е дециден дека бизнисот не може да функционира без работниците и тие, рече, не смее да бидат маргинализирани, но во целиот процес, како што напомена, има и работодавачи и држава.

  • Секој треба да си понесе дел од својата одговорност. Само така може да се постигне ефикасен економско-социјален дијалог. Ние сакаме работниците да имаат поголеми плати, работодавачите да остваруваат поголеми профити од државата – потенцира претседателот на Комората.
Во однос на владината одлука да се зголеми квотата на странски работници во Македонија, тој истакна дека ако подолго време образованието не испорачува кадар за потребите на бизнисот, ќе мора да увеземе работна рака.
  • Ако констатираме дека долги години образованието не испорачува кадар за потребите на бизнисот, ова е резултат што сега го гледаме и ќе мораме да увеземе работна рака. Но, земјите од каде што доаѓаат, мислам дека за нив Македонија е транзитна земја зашто и тие вакви не не перцепираат, бараат поразвиени земји. Се наоѓаме во ситуација на геополитичко преструктуирање во кое се измешаа работите на секој план, особено во однос на квалификуваната работна сила и не можат да се дадат прецизни дефиниции, но ние настојуваме прашањето да го решиме сами и да ги оспособиме нашите луѓе зашто менталитетот и навиките за работа на луѓето кои доѓаат се подруги и треба предимство да добијат домашните субјекти. Тоа го правиме преку дуалното образование, 500 училишта и компании имаат склучено такви договори, а работиме и во делот на високото образование, лично ова би го третирал како прашање кое е моментално актуелно и би бил мотивиран побрзо да си ги решиме работите, да оспособиме наш кадар – рече Азески.

Поврзани теми:

Азески|минималец|топ|работници|плата

Повеќе на оваа тема:

Најнови вести од: Бизнис

(Фото): Народна банка ги презентираше макроекономските проекции пред дипломатскиот кор и меѓународните организации

Банкарскиот систем и натаму е стабилен, при солидна кредитна и депозитна активност. Во светското окружување сѐ уште владее висока неизвесност и ризици, поради што Народната банка внимателно ќе ги следи движењата и ќе реагира соодветно, во согласност со својата основна цел ‒ одржување на ценовната и финансиската стабилност.

Можни се нови преговори со ОКТА за продолжување на попустот за горивата, велат од Владата

Во однос на електричната енергија, министерката изјави дека поддржува евентуално преиспитување на тарифните блокови доколку резултира тоа со пониски сметки за граѓаните. Таа нагласи дека Регулаторната комисија за енергетика веќе најавила можни анализи во тој правец, а Министерството ќе ги поддржи сите решенија што водат кон намалување на трошоците за домаќинствата.

Е-фактура до крајот на годината и фронтална борба со сивата економија

Министерката за финансии, Гордана Димитриеска-Кочоска, во рамки на официјалната посета на Словачка, денеска одржа работен состанок со својот колега Ладислав Каменицки. Во фокусот на разговорите беше дигитализацијата на даночните процеси, при што министерката најави дека системот за е-фактура во Македонија ќе биде целосно имплементиран до крајот на оваа година.

(Видео): Храната поскапела за 1%, на удар транспортните услуги кои ќе влијаат во крајната инфлација за април, вели премиерот

Најмногу се зголемени транспортните услуги и секако тие ќе влијаат во крајниот износ на инфлацијата за април, која очекувам да излезе деновиве – рече Мицкосцки. Тој посочи дека има зголемена инфлација и во еврозоната. Во Бугарија е веќе над 6 отсто, Хрватска се движи околу 6, а Грција околу 5.

ДЗС: Инфлација од 5,7% во април, храна поскапа за 8% за една година

Инфлацијата во април бележи повторно зголемување. Државниот завод за статистика денеска објави дека трошоците на живот во април на годишно ниво бележат зголемување од 5,7 проценти, а цените на мало раст од 5 проценти.
Сите вести од Бизнис

Најнови вести

To top