Бизнис

(Фото): Инфлацијата порасна на 4% – храната и безалкохолните пијалаци поскапеа за 5,4%

Инфлацијата мерена преку индексот на трошоците на животот во ноември изнесува 4%, а индексот на цените на мало бележи раст од 3%, покажуваат податоците на Државниот завод за статистика. Цените на мало во ноември 2025 година во однос на октомври 2025 година пораснале за 0,6%.

1 минута за читање

Инфлацијата во земјава и натаму останува висока и не успева да се спушти под границата од 4 проценти. Податоците на Државниот завод за статистика покажуваат дека трошоците за живот во ноември повторно пораснале во споредба со истиот период лани, а раст бележат и цените на мало.

Во однос на претходниот месец, забележано е умерено месечно зголемување на инфлацијата, што укажува дека притисокот врз цените продолжува. Најсилен удар чувствуваат граѓаните кај храната и безалкохолните пијалаци, каде е евидентирано значително поскапување на годишно ниво.

Најголем раст има кај свежото овошје, месото, маслата и мастите, додека најизразено поскапување се бележи кај кафето, чајот и какаото – производи чија цена директно зависи од светските берзи.

Поради постојаниот раст на инфлацијата, Сојузот на синдикати на Македонија бара итен состанок на Социјално-економскиот совет за да се разговара за покачување на платите. Велат, работниците веќе не можат да издржат со вакви цени.

Од ССМ предупредуваат дека доколку институциите не реагираат, ќе следуваат притисоци на улица. Поскапувањата, велат, директно го јадат стандардот и ја продлабочуваат сиромаштијата.

Поврзани теми:

цени|ДЗС|инфлација|маркети|производи|артикли|топ|Македонија

Повеќе на оваа тема:

Најнови вести од: Бизнис

Инвестиции во туризмот и отварање нови авиолинии, Николовски на средба со „Корендон“

Македонија е интересна дестинација за инвестиции во туризмот и отворање нови авиолинии е заклучокот на вицепремиерот и министер за транспорт и врски Николовски по средбата со представниците на „Корендон“ една од најголемите групации во Европа. На состанокот се разговарало за можностите за нови инвестиции, развој на авиосообраќајот и унапредување на туризмот во Македонија.

Скопје станува регионален центар за европска сертификација на финансиски професионалци

АБИТ и ЕФПА Луксембург започнуваат стратешко партнерство преку кое во регионот ќе бидат достапни меѓународни програми за финансиско образование и професионална сертификација. Ова нуди посебна вредност за студентите на Хајделберг факултет Скопје.

Во Македонија не се искористува ниту приватниот капитал од инвестиција како Иловица

Во наоѓалиштето во Иловица, утврдено е дека рудникот би експлоатирал 10 милиони тони руда годишно, а просечното годишно производство е проектирано на над 10.000 тони бакар. Според количините на руда што ги поседува, проектот се предвидува да биде активен околу 23 години.

„Тинекс“ преку партнер во Косово ќе ја враќа ликвидноста на компанијата

Компанијата информираше дека менаџментот активно работи на изнаоѓање конкретни решенија за надминување на состојбата, при што, како што беше објавено, поддршка има од банките и клучните деловни партнери.

(Фото): Акции со најголем раст и пад на Македонската берза во јули

Акцијата на Аутомакедонија АД Скопје бележи најголем раст во јули, покажува билтенот на Македонската берза за тој период. Акцијата на ТТК Банка АД Скопје пак има најголем пад. Во продолжение целосно и другите акции со најголем раст и пад за јулскиот период.
Сите вести од Бизнис

Најнови вести

To top