Бизнис Регион

Инфлацијата во ЕУ сè уште на одредено ниво – каде има најмногу поскапувања?!

Публикацијата „Клучни бројки за Европа“ нуди преглед на клучните економски, социјални и еколошки индикатори на земјите од ЕУ и ЕФТА, како и можност за споредување на трендовите меѓу земјите-членки.

2 минути за читање

Инфлацијата во Европската Унија, по рекордните скокови во претходните години, продолжи да забавува, но сè уште останува над целното ниво. Според податоците од публикацијата „Клучни бројки за Европа“, која дава преглед на клучните индикатори во ЕУ, растот на потрошувачките цени во 2024 година изнесуваше просечно 2,6 проценти.

Инфлацијата ги мери промените во цените на кошничка стоки и услуги што граѓаните ги користат секој ден. Во ЕУ, во 2021 година е забележана стапка од 2,9 проценти, додека во 2022 година следуваше нагло зголемување на 9,2 проценти. Во 2023 година, инфлацијата изнесуваше 6,4 проценти, а во следната година, стапката на зголемување на цените дополнително забави.

Сепак, одредени земји-членки на ЕУ сè уште бележат значително повисоки стапки од просекот. Во 2024 година, цените најмногу пораснаа во Романија (5,8 проценти), по што следуваат Белгија (4,3 проценти) и Хрватска (4,0 проценти).

Публикацијата „Клучни бројки за Европа“ нуди преглед на клучните економски, социјални и еколошки индикатори на земјите од ЕУ и ЕФТА, како и можност за споредување на трендовите меѓу земјите-членки.

Растот на цените во јули

Да се потсетиме дека на почетокот на август, Евростат објави проценки за јулските потрошувачки цени со фокус на Еврозоната. Според тие проценки, инфлацијата во Еврозоната во јули 2025 година во просек изнесуваше два проценти.

Хрватска и Словачка забележаа највисоки годишни стапки на раст на цените од по 4,5 проценти. Веднаш зад нив се Латвија со инфлација од 3,9 проценти, Грција со 3,7 проценти и Австрија со 3,6 проценти. Од другата страна на спектарот се земји како Белгија и Италија, каде што цените пораснаа многу побавно, поблиску до или под просекот.

Гледано според главните компоненти на инфлацијата во еврозоната, се очекува храната, алкохолот и тутунот да имаат највисока годишна стапка во јули (3,3 проценти, во споредба со 3,1 проценти во јуни), по што следат услугите (3,1 проценти, во споредба со 3,3 проценти во јуни), неенергетските индустриски стоки (0,8 проценти, во споредба со 0,5 проценти во јуни) и енергијата (-2,5 проценти, во споредба со -2,6 проценти во јуни).

Поврзани теми:

топ|економија|инфлација

Повеќе на оваа тема:

Најнови вести од: Бизнис Регион

(Фото): Од корен се уредува плоштадот „Македонија“, се менуваат плочки, се чистат фонтаните

На плоштадот ‘Македонија’ се заменуваат скршените и пропаднати плочки, фонтаните што подолго време беа оставени на забот на времето повторно ги враќаме во функција, а пристапните патеки конечно ќе престанат да бидат предизвик и мачнина за граѓаните. Скопје мора да биде достоинствен, уреден и убав град, токму таков како што го паметиме и каков што сакаме да го оставиме за идните генерации, рече градоначалникот.

Се работи на спојувањето на Коридорот 10 со коридорот Струма во Бугарија

Николоски истакна дека Јавното претпријатие за државни патишта веќе ја финализираше постапката за проектирање на едната траса од експресниот пат што ќе го поврзе Коридор 10 со Коридор Струма во Бугарија. Оваа делница ќе ги опфати Смоквица, Валандово, Струмица, Ново Село и границата со Бугарија.

Падна владата во Бугарија: Премиерот Желјазков поднесе колективна оставка по масовните протести(ВИДЕО)

Бугарскиот премиер Росен Желјасков објави дека неговата влада поднесува колективна оставка, по несогласувањата околу буџетот и бранот протести што се одржуваат со недели во најсиромашната земја во Европската Унија (ЕУ).

МРТ интервју: Коридорот 8 еден од најголемите инфраструктурни проекти во Македонија, вели проектниот менаџер на „Бехтел и Енка“

Коридорот 8 е еден од најголемите инфраструктурни проекти во државата, со цел поврзување на клучни градови и региони. Активно се работи на делниците „Тетово-Гостивар“, „Гостивар-Букојчани“, „Прилеп-Битола“. Јавниот сервис, МРТ, е првата телевизија која ја возеше оваа траса за време на градежните активности.

Масовни протести во Софија – Дали ќе падне владата на Пеевски и Борисов?

Илјадници Бугари денеска се собраа во триаголникот на власта во Софија на масовен протест под мотото „Пеевски и Борисов надвор од власта“, изразувајќи брутално незадоволство од корупциските скандали и политичката стабилност на актуелната коалиција.

Е-фактурата ќе ја намали сивата економија, смета Управата за јавни приходи

Од 1 јануари започнува пилот-фазата на проектот е-фактура, со кој се очекува да се намалат злоупотребите и фиктивните фактури, најавија од УЈП. Велат, системот е усогласен со меѓународни стандарди, лесен за интеграција во компаниите и обезбедува автоматска и безбедна размена на податоци. Пилот-тестирањето ќе се одвива во контролираната средина и ќе опфати ИТ компании и економски оператори со свои системи, а до крајот на првиот квартал ќе биде достапна и апликација за помалите компании.
Сите вести од Бизнис

Најнови вести

To top