Бизнис

Инспекцијата изрекла казни тешки два милиони евра за само една година

Еден од предлозите, кој сигурно ќе го прифатиме, за поголемо почитување на Законот за нефер трговски практики е зголемувањето на казнената политика. Предлогот е сегашната казна од 20.000 евра повеќекратно да се зголеми што и не е многу со оглед што станува збор за големи супермаркети и трговски компании во земјава, најави заменик-министерот за економија, Марјан Ристески.

2 минути за читање

Има предлог, кој со сигурност ќе го прифатиме, за повеќекратно да се зголемат казните од сегашните 20.000 евра за непочитувањето на Законот за нефер трговски практики, најави заменик-министерот за економија и труд, Марјан Ристески. Tој имаше средба со бизнисмените од прилепската регионална стопанска комора.

  • Еден од предлозите, кој сигурно ќе го прифатиме, за поголемо почитување на Законот за нефер трговски практики е зголемувањето на казнената политика. Предлогот е сегашната казна од 20.000 евра повеќекратно да се зголеми што и не е многу со оглед што станува збор за големи супермаркети и трговски компании во земјава. Инаку, ги охрабрувам компаниите од регионот, посебно за производство на храна, да пријавуваат законски прекршувања до Комисијата за заштита на конкуренцијата – вели Ристески.

Ристески рече дека се фокусирани на инспекциските контроли за сузбивање на сивата економија, заштита на животниот стандард и за стабилизирање и намалување на инфлацијата.

  • Комисијата за заштита на конкуренцијата и Државниот пазарен инспекторат постојано се на терен по пријави, дојави, но и по нивно видување, зашто имаат годишна програма за работа. Секаде каде ќе бидат констатирани законски прекршувања, правните субјекти ќе бидат казнети. Мислам дека сме на добар пат да го направиме тоа. Гледам дека инфлацијата веќе се стабилизира, почнува и благо и да се намалува, посебно во поглед на основните прехранбени производи. Иако тоа не е доволно и сметаме дека во наредниот период со една таква добра политика ќе успееме повеќе да го заштитиме животниот стандард на граѓаните и инфлацијата да биде на едно стабилно, би рекол, европско, ниво. Се фокусираме на инспекциските контроли и транспарентно објавување на цени – вели Ристески.

Од ноември лани до септември годинава, Државниот пазарен инспекторат има направено 18.000 инспекциски надзори на ниво на Македонија и се изречени казни во вредност од околу 120 милиони денари (2 милиони евра) за непочитување на законските регулативи.

Ристески најави дека се подготвува унифициран софтвер за трговците.

  • Се подготвува нов софтвер кој ќе биде презентиран во наредниот период. Ќе биде унифициран и бесплатно даден на сите трговци за транспарентно објавување на цените. Граѓаните ќе може сами да си креираат пазарна кошничка – изјави заменик-министерот за економија и труд Марјан Ристески.

Поврзани теми:

бизнис|казни|економија|пазар|мерки|маркети|трговци|манипулации|газди|топ

Повеќе на оваа тема:

Најнови вести од: Бизнис

Македонското стопанство во грч – пазарите под удар на страв од нова ескалација

Цената на нафтата Brent crude oil надмина 125 долари за барел, додека азиските берзи забележаа пад, под притисок на новите геополитички тензии и неизвесноста околу конфликтот меѓу САД и Иран. Јунските фјучерси на Брент пораснаа за 6,2 проценти на 125,36 долари, додека американската сурова нафта достигна 109,38 долари за барел.

(Видео): Народна банка со пакет-мерки за стабилизирање на инфлацијата

„Монетарната политика и натаму е во зоната на претпазливост. Каматната стапка е на непроменето ниво, а истовремено се применуваат и дополнителни мерки – заострување на задолжителната резерва, повлекување ликвидност од банкарскиот систем, зголемени капитални барања за банките и построги кредитни стандарди. Овој пристап овозможува координирано делување врз инфлациските притисоци и кредитната активност“, посочи Митреска.

(Фото): Странски промет од 52 милиони евра во македонските онлајн продавници

Од АТЕМ посочуваат дека 7,3 милиони евра или 14 отсто од вредноста на трансакциите се направени од иматели на платежни картички издадени во САД, потоа 5 милиони евра од Швајцарија и 3,6 милиони евра од Германија. Потоа следат Турција со 3,4 милиони евра Ирска со 2,5, Бугарија со 1,3, Обединетото Кралство со 1,2 милиони евра и Србија со 1,1 милиони евра.

Алкалоид со раст на инвестициите од 89% во периодот јануари – март

Како докажан партнер на јавното здравство, компанијата активно учествува во обезбедувањето на најсовремени ретки и специфични терапии преку застапување на производите на светски реномирани фармацевтски производители

Неколку фирми должат речиси 59 милиони евра за даноци и придонеси

Кај најголемите должници доминира долгот по основ на ДДВ. Од вкупниот долг на првите десет фирми, 55,51 милиони евра, односно 3,41 милијарди денари, се однесуваат на ДДВ. Тоа е повеќе од 94 проценти од нивниот заеднички долг.
Сите вести од Бизнис

Најнови вести

To top