Бизнис

Каматните стапки остануваат непроменети

Народната банка на Република Северна Македонија (НБРМ) на вчерашната седница на Извршниот одбор за монетарна политика одлучи да ги задржи каматните стапки на постоечките нивоа.

Народната банка на Република Македонија (НБРМ) на вчерашната седница на Извршниот одбор за монетарна политика одлучи да ги задржи каматните стапки на постоечките нивоа. Каматната стапка на благајничките записи останува на 5,35 проценти, додека каматните стапки на депозитите преку ноќ и на седум дена се задржуваат на 3,95 проценти, односно 4 проценти. Понудата на благајничките записи на редовната аукција исто така останува непроменета и изнесува 10 милијарди денари.

„Со ваквата одлука се задржува внимателниот пристап при водењето на монетарната политика, во согласност со економските услови и ризиците коишто произлегуваат од домашното и надворешното окружување. Овој пристап на монетарната политика е поддржан и со неодамнешните промени кај задолжителната резерва, затегнувањето на макропрудентните мерки во делот на критериумите на кредитната побарувачка, како и со зголемувањето на противцикличниот заштитен слој на капиталот за дополнителни 0,25 процентни поени. Комбинацијата на овие мерки е насочена кон одржување на ценовната стабилност на среден рок и стабилноста на девизниот курс, како и кон заштита од можни идни системски ризици“, соопшти НБРМ.

Според НБРМ, инфлацијата во август 2025 година останува над проектираното ниво, што налага продолжување на внимателниот пристап во монетарната политика.

„Најновите проекции за берзанските цени на примарните производи за наредниот период се ревидирани во надолна насока, што укажува на помали увозни ценовни притисоци во споредба со очекувањата. И покрај тоа, сѐ уште постои неизвесност околу идните движења на светските цени на примарните производи поради геополитичките тензии и климатските промени. Оттука, ризиците за идната динамика на инфлацијата и натаму постојат, а се поврзани и со натамошната неизвесност од променливото надворешно окружување, но и со домашните фактори што влијаат врз побарувачката“, се вели во соопштението.

Девизниот пазар се оценува како стабилен, со девизни резерви на ниво од 4.754,4 милиони евра на крајот на август 2025 година. Економската активност во вториот квартал од годината забележа раст од 3,4 проценти на годишна основа, што е малку повисоко од проекциите од априлскиот циклус. Сепак, светската економска и геополитичка неизвесност, особено поради трговските тензии, останува главен надворешен ризик за македонската економија.

Во монетарниот сектор, НБРМ забележува солидна кредитна поддршка на економијата, над очекувањата. Во јули 2025 година, депозитите и кредитите остварија повисоки стапки на раст во споредба со априлските проекции, што укажува на силна економска динамика.

НБРМ продолжува да ја следи состојбата и да применува мерки за зачувување на стабилноста, притоа внимавајќи на потенцијалните ризици од домашни и глобални фактори.

Најнови вести од: Бизнис

Нема да има енергетска криза, уверува Мицкоски

Европската Унија пак донесе одлука за забрана за транзит на руски гас преку ЕУ до трети земји. Но, по ваквиот потег министерката за енергетика Божиновска излезе со уверување дека проблем нема да има и покрај тоа што најголем дел од количините на гас во земјава се токму од Русија.

Од сега „Визер“ ќе лета за Бари, Стокхолм, Мадрид, Ларнака и за Базел

Од петте нови линии што започнуваат денескa и утре, Мадрид и Бари се целосно нови дестинации за македонскиот пазар, односно главниот град на Македонија за првпат ќе биде поврзан со шпанската престолнина и со италијанскиот крајбрежен град.

Западен Балкан гради „клон“ на европскиот систем за инстант плаќања

Во фокусот на 16. Конференција за плаќањата и пазарната инфраструктура, што на 28 и 29 октомври ќе се одржи во Охрид, во организација на Народната банка и Централната банка на Холандија, ќе бидат системите на плаќања во дигиталната ера.

Колку пари годинава работниците ќе земат од К-15?!

Од Сојузот на синдикатите на Македонија (ССМ) велат дека за 2025 година е обезбеден регрес за годишен одмор за околу 600 илјади вработени во приватниот и во јавниот сектор согласно со двата потпишани општи колективни договори. Во приватниот сектор, регресот за годишен одмор ќе чини 300 евра, а во јавниот сектор 100 евра помалку. Во подобро ситуираните компании даваат регрес кој е речиси трипати поголем од законски пропишаниот, односно и преку 50.000 денари.

Македонија ќе биде домаќин на најголемиот светски собир за одржлива енергија

Во текот на тридневниот форум ќе се одржат низа панел-дискусии, технички сесии и тематски разговори на кои ќе се разгледуваат најактуелните прашања поврзани со енергетската безбедност и отпорност, финансирањето на чиста енергија, дигитализацијата на системите, управувањето со критични суровини, праведната транзиција, како и улогата на младите и жените во енергетската трансформација.

Минималец од 800 евра не стига за пристоен живот, предупредуваат Хрватите

Хрватскиот парадокс е што државата ги субвенционира работодавците со две илјади евра годишно преку исплата на додатоци во фондовите за здравствен и пензиски систем за работници кои примаат минимална плата, кои се претежно странски работници. Растот е во ред, но мора да зборуваме и за развој што ќе им овозможи на хрватските граѓани да живеат подобро.

Минималната плата во Хрватска ќе е 1.050 евра бруто

Износот на бруто минималната плата се утврдува еднаш годишно, најдоцна до 31 октомври во тековната година за следната календарска година. Минималната плата не може да се утврди во износ помал од износот што бил утврден за претходната година.

To top