Државјаните на Македонија не се во топ-10 најчести посетители на Бугарија во јули годинава, кога источниот македонски сосед најмногу го посетиле Романци (307,5 илјади), Турци (305,4 илјади), Украинци (220,5 илјади), Германци (183,2 илјади), Полјаци (105,6 илјади) итн.
Бугарите минатиот месец оствариле околу 1.006.300 милиони патувања, што е зголемување за 16,8 проценти во однос на истиот месец 2004 година, а Македонија е осмата најчеста дестинација на бугарските граѓани.
Македонија во јули ја посетиле 33,2 илјади државјани на Бугарија, од кои 12.755 за одмор и екскурзија, 3.839 службено и 16.645 со друга цел.
На врвот е Грција со 261,7 илјади бугарски државјани што ја посетиле минатиот месец, втора е Турција со 253,2 илјади, а трета Романија со 91,7 илјади. Следуваат Германија со 56,7 илјади, Србија со 54,3 илјади, Италија со 38,4 илјади, Франција со 34,8 илјади, а зад Македонија во топ-10 се Шпанија со 31,5 илјади и Австрија со 28,8 илјади.