Тема: Европска унија

Британски „Фајненшел Тајмс“: Румен Радев е „Тројанскиот коњ’ на Владимир Путин во Европа“, кој може да „формира и промосковски ориентирана влада“!

„Пријателски настроениот кон Русија поранешен претседател Румен Радев се предвидува да победи на парламентарните избори на 19 април 2026 година во трката за премиер. Тој се повлече од претседателската функција во јануари, за да се кандидира за помоќната премиерска функција. Левичарската партија „Прогресивна Бугарија“ на Румен Радев е на врвот на анкетите за јавното мислење пред осмите предвремени избори во земјата за пет години. Победата на Радев би можела да ја приближи Бугарија – југоисточната членка на ЕУ и НАТО до Москва.“ – објави вчера угледниот британски весник „Фајненшл Тајмс“ во својата анализа со наслов „Тројанскиот коњ’ на Владимир Путин е во водство на бугарските избори“.

Стартува системот влез и излез за патување во ЕУ – Македонците ќе чекаат повеќе

Европската комисија потврди системот за влез и излез од утре станува целосно оперативен на сите надворешни граници на ЕУ. Сите патници што доаѓаат од земја што не е дел од ЕУ ќе мора да ги остават своите биометриски податоци, фото и отпечатоци од прсти во системот. Од Брисел велат има технички проблеми со системот кај некои земји членки за што до есен ќе дозволуваат негово делумно суспендирање во случај на предолги чекања на границите.

Сиљановска-Давкова: Барањата од соседите кон Македонија се надвор од европските критериуми! ЕУ да ја преиспита политиката кон Западниот Балкан

Претседателката на Република Македонија д-р Гордана Сиљановска-Давкова со воведен говор ја отвори панел-дискусијата на Европските демократски студенти (ЕДС), учесници на Зимскиот универзитет на ЕДС 2026, што годинава се одржува во Скопје. Според неа, барањата на соседите со коишто се соочуваме со децении отстапуваат од Копенхагенските критиериуми и не се во духот на конститутивните акти на Европската унија. Таа потсети на десeттината „да“од страна на Европскиот парламент и Европската комисија и уште толку „не“ од Европскиот совет заради вето од некои соседи.

„Не сме ничија марионета“ – Вучиќ за влошените односи со Москва и извозот на муниција во Украина

Српскиот претседател Александар Вучиќ во интервју за германскиот весник „Зидојче Цајтунг“ отворено изрази скептицизам за брзо полноправно членство на Србија во Европската Унија и се залага за модел на „Европа со повеќе брзини“.

Емануилидис: Забрзаното проширување со Украина, што ќе го остави настрана Западниот Балкан, ќе биде стратегиски неуспех за ЕУ!

„Забрзаниот пристап на Украина во ЕУ не смее да создаде за другите членство од втор ред. Членството во ЕУ отсекогаш значеше еднаквост: еднакви права, еднакви обврски и еднаков глас во обликувањето на заедничките одлуки. Забрзаното проширување на ЕУ не смее да стане ниту ограничено, тивко да ги остави и земјите-кандидатки од Западниот Балкан, кои вложуваа години, честопати децении, во усогласување со нормите на ЕУ. Тоа би бил стратегиски и морален неуспех, пораз на ЕУ.“ – предупредува д-р Јанис А. Емануилидис, заменик-извршен директор на Центарот за европска политика во Брисел и директор за студии во оваа многу важна независна тинк-тенк научно-истражувачка организација. Тој е научен експерт за европска политика и истражувач посебно за евроинтеграција и проширување на ЕУ.

Рос: Разликите и внатрешниот расцеп се опасност Европа и ЕУ да бидат парализирани во донесувањето одлуки во клучни моменти!

„На европскиот индустриски собир на врвот Антверпен минатата седмица присуствуваа  стотици европски индустријалци и врвни владини претставници. На овој самит, одржан под покровителство на белгискиот премиер Барт де Вевер, повторно се пројави неколкугодишниот расцеп во ЕУ. Мислењата се поделени по централното прашање: што подразбира, всушност, европскиот стратегиски суверенитет и како може да се постигне? Разидувањата во погледите и околу тактиките на дејствување се опасност да се предизвика поделба во Европа и Европската унија, која ќе го парализира европското донесување одлуки во клучен момент.“ – предупредува Грегоар Рос, директор за програмите за Европа, Русија и Евроазија во „Чатам хаус“ – Меѓународниот институт за меѓународни односи  од Лондон, светски влијателна невладина истражувачка организација. Грегоар Рос е и геополитички аналитичар, експерт за европска политика и независен истражувач во Школата за меѓународна и јавна политика на Универзитетот Колумбија во САД.

Најнови вести

To top