Бизнис

Народна банка со нови мерки за штедење во денари

Народната банка донесе Одлука за изменување и дополнување на политиката за задолжителна резерва, со цел да се промовира долгорочно штедење во домашна валута и да се зајакне монетарната политика. Овие измени се насочени кон зголемување на стабилноста на депозитната база на банките и поттикнување на попривлечни финансиски инструменти за клиентите. Според новите правила, стапката на […]

2 минути за читање

Народната банка донесе Одлука за изменување и дополнување на политиката за задолжителна резерва, со цел да се промовира долгорочно штедење во домашна валута и да се зајакне монетарната политика. Овие измени се насочени кон зголемување на стабилноста на депозитната база на банките и поттикнување на попривлечни финансиски инструменти за клиентите.

Според новите правила, стапката на задолжителна резерва за девизните обврски со рочност до две години се зголемува од 21% на 22%. За девизните обврски со рочност над две години, стапката се удвојува од 5% на 10%. Истовремено, делот од задолжителната резерва за девизните обврски што се исполнува во евра се зголемува од 85% на 90%. За обврските во денари, стапката на задолжителна резерва е зголемена од 8% на 9%.

За да се поддржи долгорочното штедење во денари, стапката за задолжителна резерва на денарските депозити на физички лица со рочност од една до две години се нормализира од 0% на 9%. Оваа мерка ќе има одложена примена од околу 14 месеци, што ќе им овозможи на банките постепено да ги приспособат своите практики.

Повеќето од овие измени ќе стапат на сила од периодот на задолжителна резерва во ноември 2025 година. Се очекува дека новите мерки ќе ги поттикнат банките да воведат поконкурентни каматни стапки за долгорочни денарски инструменти за штедење, што ќе ја зајакне стабилноста на депозитната база и ќе го зголеми учеството на денарското штедење на подолг рок.

Поврзани теми:

Трајко Славески|народна банка|штедење|денари

Повеќе на оваа тема:

Најнови вести од: Бизнис

Е-фактурата ќе ја намали сивата економија, смета Управата за јавни приходи

Од 1 јануари започнува пилот-фазата на проектот е-фактура, со кој се очекува да се намалат злоупотребите и фиктивните фактури, најавија од УЈП. Велат, системот е усогласен со меѓународни стандарди, лесен за интеграција во компаниите и обезбедува автоматска и безбедна размена на податоци. Пилот-тестирањето ќе се одвива во контролираната средина и ќе опфати ИТ компании и економски оператори со свои системи, а до крајот на првиот квартал ќе биде достапна и апликација за помалите компании.

(Видео): Буџетот за в година е во одлична кондиција, фискалната консолидација и така ќе продолжи во 2026, вели премиеот

Министерката за финансии во своето експозе пред пратениците рече дека проекциите за 2026 година укажуваат на континуитет на економската стабилност и на раст заснован на одговорни фискални политики, инвестиции во инфраструктурата и во човечкиот капитал, како и поттикнување на продуктивноста и на конкурентноста на домашната економија.

Белгиската компанија СЦР „Сибелко“ сака да експлоатира индустриски минерали во Македнија

Во 2024 „Сибелко“ оствари приходи од 2,225 милијарди евра и прикажа добивка од 131 милион евра. Во акционерската структура учествуваат главно неколку богати фамилии од Белгија и разни институционални или индивидуални акционери со многу помали удели. Од глобалните рударски корпорации, во изминатиот период единствено многу поголемиот играч „Англо Американ“ покажа интерес за инвестирање во Македонија и оствари средба со министерката за енергетика, рударство и минерални суровини Сања Божиновска.

За 2026-та ќе има повеќе пари за плати и пензии, но ќе растат и капиталните инвестиции – обезбедени 6,7 милијарди евра

Расправата помина со жестоки меѓусебни обвинувања на релација власт-опозиција. За опозицијата буџетот не е развоен, ниту социјален и е предизборен и нема допирна точка со реалноста. За власта пак буџетот е развоен и европски и носи силен инвестициски циклус и подобар животен стандард за граѓаните.

Собраниска кавга – За опозицијата буџетот не ја отсликува економската реалност, за власта тој е одраз на визија

Пратеникот од ВМРО-ДПМНЕ, Малиша Станковиќ, на седницата на Собранието изјави дека Буџетот за 2026 година е изграден врз реални економски показатели, а проектираните приходи се „целосно остварливи“. Според него, очекуваното зголемување на приходите се должи на подобрената наплата на царини и концесии, како и на засилените активни мерки за вработување, кои бележат рекорден интерес кај граѓаните.

Девизните резерви на Македонија достигнаа 4,86 ​​милијарди евра

Девизните резерви на крајот на ноември годинава изнесувале 4.862,2 милиона евра и во однос на претходниот месец бележат зголемување за 19 милиони евра, соопшти Народната банка. Најголем дел од девизните резерви се пласирани во хартии од вредност (73,9%), по што следуваат монетарното злато (16,4%) и валутите и депозитите (9,7%).

Минималецот ќе порасне за 1.500 до 2.000 денари во март в година

Кога ќе има усогласување во март следната година, врз основа на параметрите што ги имаме, граѓаните ќе имаат повисока минимална плата. Тоа е формула и методологија со која се пресметува минималната плата, со што се согласуваат Економскиот и социјален совет, синдикатите, работодавачите и Владата, рече министерот за економија.

„Костал“ ќе има извоз од 230 милиони евра и покрај кризата со автомобилската индустрија, тврди Мизо

Претседателот на Советот за странски инвестиции смета дека македонскиот извоз е генерално зависен од германската економија и побара од македонските власти да бидат пофлексибилни на промените што ги носат денешните времиња. Тој во интервјуто вели дека за една компанија-инвеститотр во нашата земја од одлука за инвестирање и објавување на истата до нејзина реализација треба да мине низ 1,5 до 2 години во некои случаеви.
Сите вести од Бизнис

Најнови вести

To top