Бизнис

Нема енергетска криза – државата има резерви од мазут, вели министерката Божиновска

Државата има резерви од мазут, нема да има енергетска криза, децидна е министерката за енергетика, Сања Божиновска, откако беше прашана што ќе се случи по барањето на АД ЕСМ државата да прогласи енергетска криза за да може компанијата да користи околу 11 илјади тони мазут од државните резерви за потребите на термоцентралите.

2 минути за читање

Граѓаните да спијат мирно, нема енергетска криза, државата има резерви од мазут, велат од Владата. Ова следува откако Државните Електрани на Македонија побараа од Владата да прогласи кризна состојба на пазарот со струја. За утре е закажана седница на Влада на која ќе се разгледува барањето на ЕСМ, поради отежнатата набавка на енергенси како последица на блокадите на грчките земјоделци. Кризна состојба се бара за да се овозможи Владата да ги отстапи државните резерви со мазут, со цел производство на струја и топлинска енергија сè додека не се реши проблемот со Грција. Министерката за енергетика вели дека Македонија нема да има никави проблеми, што се однесува до пазарот со струја.

Државата има резерви од мазут, нема да има енергетска криза, децидна е министерката за енергетика, Сања Божиновска, на брифингот со новинарите откако беше прашана што ќе се случи по барањето на АД ЕСМ државата да прогласи енергетска криза за да може компанијата да користи околу 11 илјади тони мазут од државните резерви за потребите на термоцентралите.

  • ЕСМ поднесе писмо до Владата и барањето за прогласување кризна состојба ќе се разгледува на владина седница. На Влада ќе дискутираме и јавноста ќе биде информирана. Нема да има никаква криза, за граѓаните тоа нема да значи ништо, бидејќи државата има резерви од мазут. Знаете дека има протести на границата со Грција повеќе 30 дена и поради тоа не може да се набави мазут. Затоа државните резерви ќе го снабдат ЕСМ со мазут. Нема да има никакво влијание на снабдувањето. Постои мазут во државата, ако не го земат од Грција, ќе го земат од резервите – истакна Божиновска.

Министерката очекува до крајот на неделава МЕПСО да го финализира изборот на фирмата што ќе го прави далноводот со Албанија и да го потпише договорот.

  • До крајот на неделата ќе биде потпишан договорот. МЕПСО сигурно ќе информира со повеќе детали, но колку што имам сознанија, сè е завршено, се чека само на официјален потпис – рече Божиновска.

Таа информира и дека има нов директор на „Номагас“ и очекува да се забрзаат работите за изградбата на гасниот интерконектор со Грција, а што се однесува до продолжување на гасната цевка кон Србија, Божиновска рече дека е договорено со српската страна за 23 километри од гасоводот заеднички да се настапи во барањето финансии од Светската банка.

 

Поврзани теми:

бизнис|енергетика|граѓани|актулено|криза|топ|Македонија|влада|струја

Повеќе на оваа тема:

Најнови вести од: Бизнис

Позначајни движења кај каматните стапки на банките и штедилниците – Кај кредитите просекот е двојно повисок

Во јануари, просечната каматна стапка на новоодобрените кредити на домаќинствата оствари месечен раст од 0,29 п.п. и изнесува 4,67%. Зголемувањето произлегува од повисоките каматни стапки на денарските кредити без валутна клаузула и на каматните стапки на кредитите во странска валута, при забележан пад на каматните стапки на денарските кредити со валутна клаузула.

Од 1 март побезбедни онлајн плаќања, банките „го стегаат каишот“

Од први март банките го менуваат начинот на верификација на онлајн – плаќањата за поголема безбедност. Наместо ОТП под преку СМС, трансакцијата ќе се потврдува преку мобилна апликација на банката, со пин, или со биометриски податок. Тоа треба да ја зголеми безбедноста и да ја намали шансата за измами и кражби од платежни картички.

Државната статистика забележува голем раст на превезената стока во товарниот сообраќај

Државната статистика забележува и зголемување на карго превозот преку авиосообраќајот и тоа за 23,7% во четвриот квартал од 2025 година во споредба со истиот период 2024 година. Единствено се забележува намалување на железничкиот превоз за 13,4% и тоа се должи на започнатите инфраструктурни проекти на железничката мрежа долж Коридор 10.

„Алкалоид“ ќе исплати за 14,3% поголема дивиденда во однос на лани

„Алкалоид“ АД Скопје објави дека седницата на годишното Собрание на акционери на Друштвото ќе се одржи на ден 30.03.2026 година со почеток во 08:00 часот во деловните простории на Друштвото, Бул. „Александар Македонски“ бр. 12, Скопје, Македонија.

Димитриеска-Кочоска: Половина од уплатените средства за солидарниот данок ќе ги вратиме во март

Пред пратениците во македонското Собрание министерката потсети дека Законот за данокот на солидарност беше донесен во 2023 година и дека на 5 февруари 2025 година Уставниот суд го поништи, со што се создаде ситуација во која преку неуставен закон се собрале средства, средствата се потрошени, а денес оваа Влада ги враќа.
Сите вести од Бизнис

Најнови вести

To top