Бизнис

Стопанска банка а.д. Битола од денеска и официјално АЛТА банка АД Битола

Производите, услугите и каналите за поддршка продолжуваат да се користат без промени

2 минути за читање

 

 

Почнувајќи од денес, 12.12.2025 година, со усвојувањето на измените и дополнувањата на Статутот на Собранието на акционери, Стопанска банка а.д. Битола и официјално доби ново име АЛТА банка АД Битола или скратено само АЛТА банка.

Успешната аквизиција на Стопанска банка а.д. Битола од страна на АЛТА банка АД Белград заврши во октомври 2025 година, со што банката доби нов мнозински акционер кој заедно со поврзаните субјекти поседува 93,2571%.

АЛТА банка АД Битола станува дел од АЛТА Група – современа финансиска групација со седиште во Белград, која ги обединува банкарските, платежните и инвестициските услуги. Како регионален лидер, АЛТА Група работи согласно европските вредности и највисоките стандарди, со силен стратешки фокус на иновации, дигитализација и врвен квалитет на услугите.

АЛТА Банка АД Белград е една од најзначајните членки на групацијата, која пак во 2024 година доби награда за најбрзорастечка банка во Република Србија. Миграцијата и усогласувањето со нејзините највисоки стандарди и работење од страна на АЛТА банка АД Битола ќе отвори нови можности за воведување иновативни производи и современи дигитални решенија, како и унапредување на корисничкото искуство и задоволство на клиентите, со целосно почитување на домашните финансиски стандарди и регулативи.

Амбицијата на АЛТА банка АД Битола е да стане значаен фактор во банкарскиот сектор во Македонија, сојузник на локалната економија, а истовремено ќе создава услови за развој и на регионалната соработка.

Она што е особено важно за клиентите и деловните партнери е дека работењето на банката продолжува непречено, со целосно задржување на досегашната стабилност, сигурност и континуитет во услугите. Сите експозитури остануваат на истите локации со воведување на нов визуелен идентитет на АЛТА Банка.

„За постоечките клиенти не се потребни никакви дополнителни активности – сите постојни сметки, платежни картички, електронско банкарство и договори остануваат целосно валидни и функционални. Податоците на клиентите се во целост заштитени, а сите законски регулативи строго се почитуваат. Производите, услугите и каналите за поддршка продолжуваат да се користат без промени. Клиентите ќе бидат навремено информирани за сите понатамошни активности кои ќе придонесат за уште подобро банкарско искуство“, велат од АЛТА Банка АД Битола.

 

 

 

Поврзани теми:

Алта банка а.д Битола|Стопанска банка а.д Битола

Најнови вести од: Бизнис

(Видео): Нови 40 километри од автопатот Охрид-Кичево се веќе во функција

Погледнете го ова прекрасно ноќно видео од делот од автопатот Охрид – Кичево. 40 километри се веќе во функција. Се надевам голем број македонски граѓани ќе возат по овој автопат на пат кон Балканскиот Ерусалим – Охрид за овој Божиќ. Честитки на сите вредни работници кои се посветија на неговата изградба, напиша Николоски.

УЈП за 2020 утврдила дека 6.600 граѓани оствариле приходи од странство без да платат данок – ги упати на суд

На граѓаните кои сметаат дека се оштетени, директорката Петрова им порача правдата да ја бараат по судски пат. Таа нагласи дека УЈП ниту може, ниту сака да ги спречи граѓаните кои располагаат со докази да поведат управен спор, бидејќи тоа е нивно законско право. Воедно, таа додаде дека доколку данокот е веќе платен во странство, со доставување соодветна потврда може да се избегне двојно оданочување.

Гацов прогнозира: 2026 година е одличен тајминг за почеток на серија економски реформи

Минатата 2025 беше година на одржување на постојната економска кондиција на државата. А оваа треба да биде година на придвижување на економијата и раст на бруто домашниот производ. Сепак, за ова да се случи, потребни се реформи кои ќе создадат услови за ослободување на бизнисот од административните стеги, вклучување на нерегистрираните трговци во легалниот еко систем, почитување на прописите во секој поглед од сите учесници, системско санкционирање на прекршителите.

Цаните за Бадник до небо, килограм костени од 100 стигнаа и до 300 денари

Сега, Законот за нефер трговски практики предвидува максималната казна за непочитување на одредбите да биде до 20.000 евра за голем маркет, премиерот најави дека остро ќе бидат казнети сите кои работат спротивно на интересите на граѓаните и непазарно ги пумпаат цените на рафтовите. Тој до март најави дека ќе се смени висината на казните и тие ќе бидат 10 пати повисоки или до 200.000 евра. 

Поефикасна наплата на даноци и борба со сивата економија – почна тестирањето на системот е-фактура

Во Министерството за финансии отпочнати се активности за воведување нов механизам за независна и објективна проверка на примената на даночната регулатива во конкретни даночни постапки, со кој ќе се обезбеди правичен и фер однос, сигурност за даночните обврзници, оневозможување субјективизам во одлучување на даночните инспектори и намалување на споровите кои се разрешуваат во судски постапки. Дополнително заедно со УЈП ќе се отпочне и со дизајнирање на внатрешен механизам за контрола на квалитет во рамки на самата управа.

Онлајн трговијата зема се поголем замав и во Македонија, за само девет месеци бележи раст од 30%

Покрај растот на вредноста, е-трговијата бележи и значително зголемување на бројот на онлајн трансакции, кој во периодот од првиот до третиот квартал  2025 година достигна 21 милион, што е 30,2 проценти повеќе споредено со истиот период во 2024 година. Најизразен пораст повторно се забележува кај домашните картички кон странски е-трговци, со раст од дури 63,2  проценти, што укажува на зголемена фреквенција на онлајн купувања, најчесто со пониска поединечна вредност.
Сите вести од Бизнис

Најнови вести

To top