Заменик-министерот за социјална политика, демографија и млади, Ѓоко Велковски во емисијата „Бизнис21“ на ТВ21 откри дека има злоупотреби во системот за социјална помош. Како што вели, веќе има оформени предмети.
- „Очекуваме конкретни мерки од Јавното обвинителство. Ние како систем воведовме нова методологија – сви системот кој што значи буквално затворање на сите бази да нема ваква злоупотреба и да немаме“, вели Велковски.
Заменик-министерот за социјална политика, демографија и млади, истакна и дека над 100.000 пензионери добиле зголемување на пензиите од 14.000 на 20.000 денари.
- „Ова е системски потег. Наследивме повеќе од 100.000 пензионери со пензија под 14.000 денари, а денес тие имаат 20.000. Сите забораваат дека токму тие беа жртви на транзицијата и на стечајните постапки, кога голем дел од нивниот стаж не беше платен. Со оваа интервенција исправивме една неправда“, изјави Велковски.