Бизнис

Живејачката поскапува, платите не стигаат – само за храна месечно одат 26.000 денари

Вредноста на синдикалната минимална кошница за април годинава изнесува 68.797 денари, што е зголемување од 979 денари во однос на март, кога таа изнесуваше 67.818 денари, информираше ССМ. Ако семејството живее во изнајмен стан од 60 квадратни метри, вкупните трошоци за живот за април достигнуваат 84.172 денари. Според ССМ, за периодот од јануари до април 2026 година, вредноста на синдикалната минимална кошница е зголемена за вкупно 3.305 денари, што укажува на континуирано поскапување.

2 минути за читање

Живејачката во Македонија продолжуваат да оди на горе и сè повеќе се чувствува тоа во секојдневието на граѓаните. Последните податоци за синдикалната минимална кошница покажуваат дека за пристоен живот е потребен сè поголем месечен буџет, што претставува сериозен предизвик за голем дел од домаќинствата. Вредноста на синдикалната минимална кошница во април изнесува 68.797 денари, што претставува зголемување од 979 денари во однос на март, кога таа изнесуваше 67.818 денари. Податоците покажуваат дека продолжуваат да растат трошоците за живот, при што за периодот од јануари до април 2026 година, минималната кошница е зголемена за вкупно 3.305 денари.

Ако се пресметаат и трошоците за изнајмување стан од 60 квадратни метри, вредноста на минималната кошница во април достигнува 84.172 денари месечно.

  • Најголем дел од трошоците на едно домаќинство и натаму се однесуваат на храната и пијалаците, за кои се издвојуваат 26.085 денари или 37,9 проценти од вкупната кошница. Следуваат образованието со 7.192 денари (10,5 проценти), како и трошоците за станарина, вода, електрична енергија и за греење со 6.338 денари (9,2 проценти). За облека и за обувки месечно се издвојуваат 6.129 денари, додека за рекреација и култура – 5.592 денари. Трошоците за транспорт изнесуваат 4.961 денар, а за ресторани и хотели – 4.131 денар. За комуникации се предвидени 3.417 денари, за лична хигиена и за хигиена во домот 2.667 денари, додека за здравје се издвојуваат 1.185 денари. Најмал удел во кошницата имаат другите стоки и услуги со 1.100 денари или 1,6 проценти.

Ако се земе предвид пресметката со изнајмен стан, трошоците за домување (станарина, вода, електрична енергија и греење) достигнуваат 21.713 денари, што значително го зголемува вкупниот месечен буџет потребен за едно домаќинство.

Овие податоци укажуваат на континуиран раст на животните трошоци и на дополнителен притисок врз домашниот буџет. Доколку продолжи ваквиот тренд, сè повеќе граѓани ќе се соочат со тешкотии во одржувањето на основниот животен стандард, што отвора прашања за потребата од мерки за ублажување на ценовниот удар и подобрување на економската состојба.

Поврзани теми:

поскапувања|живејачка|трошоци за живот|топ|плати|ссм|граѓани

Повеќе на оваа тема:

Најнови вести од: Бизнис

„Стандард и Пурс“ го потврди кредитниот рејтинг на Македонија

Кредитниот рејтинг на Македонија „Стандард и Пурс“ го оценува двапати годишно. Рејтингот претставува важен индикатор за инвеститорите и меѓународните финансиски пазари при оценката на кредитниот ризик на една земја.

Како да се ограничи употребата на млеко во прав и палмино масло во млечните производи?!

Стопанската комора со години укажува на проблемите во млекопроизводството, потребата од контрола на квалитетот на домашните и увозните млечни производи и потребата од усогласување на правилата со европските стандарди.

Се намалува делот од платата за плаќање рати – Народна банка со построги правила за кредитите

Од 1 декември се намалува максималниот рок за отплата на станбените кредити од 30 на 25 години, а на хипотекарните потрошувачки кредити од 20 на 15 години, соопшти Народна банка откако ги усвои измените на правилата за кредитирање.

Славески: Структурните реформи можат значително да ја забрзаат конвергенцијата кон ЕУ

Славески нагласи дека воспоставената и долго одржувана макроекономска стабилност создаде цврста основа за развој на нашата економија, додека зголемената трговска отвореност и интеграцијата во европските и глобалните синџири на вредност значително го променија економскиот и извозниот профил на земјата.

Пад на невработеноста – 88.000 луѓе се пријавени во Агенцијата, најголем дел со или без образование

Најголем група на невработени се лицата без образование, или само со основно образование. Тие достигнуваат дури до 50.426 од вкупниот број на пријавени граѓани кои се невработени.

(Фото): НЛБ Банка создава нови урбани простори за младите – нова зона во Дебар Маало

Младите не се само дел од маалото, тие се неговиот најсилен пулс. Денеска НЛБ Банка во паркчето кај „Кино Карпош“ ја отвори првата од четирите NLB Next зони – простор што им припаѓа на младите, за нивните средби, идеи, дружења и иницијативи што го менуваат маалото на подобро. Токму на стартот на академската година, Дебар Маало доби ново место за поврзување, но и силна порака за заедничка одговорност „Чувај го твоето маало“. Отворањето го одбележаа музика, дружење и голем број млади од скопските факултети и средни училишта.

Поради намалените акцизи и ДДВ за горивата, во Буџетот фалат од 6 до 7 милијарди денари

Евентуалните ограничувања на извозот на дизел од САД би можеле дополнително да го затегнат европскиот пазар и да ги зголемат цените. Тоа би бил нов удар и за земјите кои, како Македонија, зависат од увоз на енергенти.
Сите вести од Бизнис

Најнови вести

To top