Несекојдневен биланс на прекршоци во сообраќајот на целата територија на државата донесе последното деноноќие, во кое деветмина возачи беа лишени од слобода за безобѕирно управување возило, сите деветмина без возачка довола, од кои двајца малолетници и еден под дејство на алкохол.
„По две лица во Скопје и во Прилеп и по едно во Кочани, Гевгелија, Кратово, Македонски Брод (малолетник) и Кривогаштани (малолетник) возеле без дозвола. Лицето во Кратово претходно учествувало во сообраќајна незгода, како и едно од лицата во Прилеп, кое воедно било и под дејство на алкохол. По целосно документирање на случаите ќе бидат поднесени соодветни кривични пријави“, соопшти Министерството за внатрешни работи.