Хроника

Кривични пријави за насилничките што тепаа 14.годишно девојче

По насилството, осомничените ѝ се заканиле на малолетничката да не го пријавува случајот и да не зборува за видеото, предупредувајќи ја дека во спротивно „ќе ѝ се случи нешто уште полошо“

1 минута за читање

 

Против П.А. (18) од селото Лојане, општина Липково, како и против две малолетнички на возраст од 14 и 15 години од Куманово, поради сомнение дека сториле кривично дело „насилство“, кумановската полиција поднесе кривични пријави.

Инцидентот, за кој медиумите веќе известуваа, се случил на 13 март 2026 година, околу 18 часот, кога осомничените повикале 14-годишно девојче да излезе од својот дом.

Девојче во Куманово брутално тепено и понижувано од врснички (ВИДЕО)

Потоа ја убедиле да влезе во просторија во близина на спортскиот центар „Соколана“ во Куманово, каде најпрвин ја навредувале, а потоа физички ја нападнале.

Според пријавата, целиот напад го снимале со мобилен телефон.

По насилството, осомничените ѝ се заканиле на малолетничката да не го пријавува случајот и да не зборува за видеото, предупредувајќи ја дека во спротивно „ќе ѝ се случи нешто уште полошо“.

По целосното документирање на случајот, против трите осомничени е поднесена кривична пријава.

Поврзани теми:

актуелно|Куманово|врсничко насилство|три насилнички|14 годишно девојче

Повеќе на оваа тема:

Најнови вести од: Хроника

Скандал со лажни „кубански вакцини против рак“ во Велес: Осомничениот измамил повеќе граѓани, Обвинителството спроведува истрага и претреси

Основното јавно обвинителство Велес води истрага против едно лице осомничено дека измамило повеќе граѓани, нудејќи им наводни „кубански вакцини“ против рак, со цел да прибави противправна имотна корист. Против осомничениот е оформен предмет за кривичните дела „измама“ и „надрилекарство“.

Изречена ефективна затворска казна за возач за брзо возење – прва во Повардарието

Н. З. (36) на делницата од автопатот Демир Капија-Гевгелија управувала „мерцедес“ со српски регистарски таблички со брзина од 169 км/ч на место каде што дозволената брзина е 80 км/ч. В. Ж. (57) со автомобил „ауди“ возел на делницата од автопатот Демир Капија-Гевгелија со 175 км/ч на место каде што е дозволена брзина од 100 км/ч.

Царинската управа спречи шверц со строго регулиран лек за малигни заболувања на граничниот премин „Богородица“

Царинската управа денеска информираше дека мобилен тим од Одделението за оперативни работи запленило вијали со медицински раствор „Xgeva“, што се употребува за малигни заболувања, а кои возач на автобус, косовски државјанин, се обидел да ги криумчари во кутија за прва помош.
Сите вести од Хроника

Најнови вести

To top