Седумнаесетгодишен малолетник се здобил со тешки телесни повреди откако со нерегистриран мопед избегал од полициска контрола и паднал на булеварот „Србија“ во Скопје.
Според МВР, малолетникот претходно не застанал на даден знак од полицајци на булеварот „Борис Трајковски“.
Тој продолжил да се движи, а околу 2:30 часот паднал од мопедот. Бил пренесен во Ургентниот центар при комплексот клиники „Мајка Тереза“, каде што му биле констатирани тешки телесни повреди.
Полицијата утврдила дека малолетникот немал возачка дозвола, а мопедот не бил регистриран. По документирањето на случајот ќе следуваат соодветни поднесоци.