Хроника

По Македонија Аца Лукас предизвика нов балкански конфликт

Аца Лукас длабоко нè повреди сите нас, се вели во реакцијата

 

Милорад Додик, екс претседател на Република Српска и актуелен претседател на владеачката СНСД, на социјалната мрежа X објави коментар за фотографијата што се појави во јавноста на која Аца Лукас е сликан со човек кој Србите го сметаат за воен злосторник.

 

На таа фотографија Лукас седи со поранешниот командант на Армијата на БиХ во Сребреница, Насер Ориќ и пејачот од Шериф Коњевиќ.

 

Таа фотографија привлече големо внимание од локалната и српската јавност, а Додик рече дека поради неа Лукас го изгубил целиот кредибилитет за настапите во ентитетот на БиХ, Република Српска, пренесува босанскиот весник Oslobodjenje.

„Злосторствата што Насер Ориќ и неговите војници ги извршија против српскиот народ во областа на Сребреница и Братунац беа монструозни, и затоа Лукас, фотографирајќи се со него, длабоко ги повреди потомците на жртвите и српскиот народ. По овој чин, Аца Лукас го изгуби кредибилитетот за каков било иден настап во Република Српска, особено на отворањето на зимската сезона во Јахорина“, напиша Додик.

Аца Лукас длабоко нè повреди сите нас во Република Српска со дружењето со Насер Ориќ, вели Милорад Додик, долгогодишен лидер на босанските Срби.

Ориќ беше ослободен од обвиненијата за воени злосторства во Хаг, но и во БиХ.

Македонската полиција пред две недели го приведе Лукас во Кавадарци, затоа што немал дозвола за работа во земјава.

Лукас тврдеше дека власта во Македонија има нешто против него а потоа вети хуманитарен концерт во Скопје.

Засега нема најава за било каков негов концерт во Македонија.

 

 

Најнови вести од: Хроника

Претседателката ги додели стипендиите „Борис Трајковски“ за академската 2025/2026 година

Резултат на заедничката активност и соработка на Претседателот на државава, Министерството за образование и наука, Меѓународната фондација „Борис Трајковски“ и Европскиот кампус на Универзитетот Јорк, Сити Колеџ од Солун, Грција

Падна „Cloudflare“, еден од најголемите провајдери на заштита од сајбер напади

Глобален прекин во работата на Cloudflare попладне предизвика проблеми кај илјадници корисници ширум светот, вклучително и во Македонија, при пристапот до популарни услуги како X (бившиот Twitter), ChatGPT, Spotify и многу останати.

To top