Инцидентот со српскиот пејач Аца Лукас чиј концерт во Кавадарци беше прекинат поради незаконски околности не влијаат на односите меѓу Македонија и Србија.
Ова е заклучокот од објавата на потпретседателот на Собранието Антонио Милошоски кој во главниот град на Шведска се сретнал со спикерката на српскиот парламент Ана Брнабиќ и со првиот човек на словенечкиот законодавен дом.
,,🇲🇰🇷🇸 🇸🇮 На приемот во Стокхолм имав можност за средба со г-ѓа Ана Брнабиќ, претседателка на српската Скупштина. Одлична прилика да размениме мислење за регионалната соработка, ЕУ интеграциите, војната во Украина, како и за актуелните енергетски теми во Србија. Заедно со колегата г-н Даниел Кривец, потпретседател на Државниот збор на Словенија”, објави Милошоски вечерва.