Хроника

Со ловечка пушка усмртил куче: Приведен 72-годишен маж

Уапсен 72-годишен радовишанец

1 минута за читање

Седумдесет и двегодишен жител на Радовиш беше уапсен откако полицијата утврди дека со ловечка пушка усмртил куче кое било домашен миленик.

Инцидентот се случил на улицата „Благој Мучето“ во четвртокот, каде жителите слушнале истрел, а потоа на улицата било пронајдено мртвото куче.

Во разговор со полицијата осомничениот го признал делото, по што од него била одземена ловечката пушка „Застава М75“, која легално ја поседувал.

При увидот било утврдено дека кучето е сопственост на жител на Радовиш. За случајот е известен јавен обвинител, а по неговото документирање ќе биде поднесена кривична пријава.

Поврзани теми:

мвр|топ|хроника|кривична пријава|Радовиш

Повеќе на оваа тема:

Најнови вести од: Хроника

Започнува постапката за четирите малолетни насилници од Аеродром: побарана забрана да ѝ се доближуваат на 12-годишната жртва

Јавното обвинителство побара да се поведе постапка против две 14-годишни девојчиња и две момчиња, осомничени за насилство, помагање и неовластено снимање на нападот врз 12-годишно девојче во скопската населба Аеродром. Станува збор за насилниот инцидент на 30 јуни во скопската населба Аеродром, кога 12-годишното девојче беше физички нападнато, а целиот настан беше снимен со мобилен телефон.

Бомба фрлена кон угостителски објект во тетовското село Добарце – двајца повредени

На 08.07.2026 во 01:20 часот во Полициското одделение Групчин, Д.Ф.(51) од с.Добарце, тетовско пријави дека од патничко возило „цитроен“ во движење е фрлена рачна бомба кон неговиот угостителски објект, лоциран покрај локалниот пат во селото.

Поднесено обвинение за „Еуростандард“ банка од Скопје – намерно е втурната во стечај со долг од 27 милиони евра!

Со одобрување кредити на кредитно неспособни и поврзани правни лица, без соодветни анализи и обезбедување, со прикривање на реалната финансиска состојба и ризиците, како и со неточно известување до Народната банка, пријавените придонеле банката да биде доведена во стечај, а доверителите да бидат оштетени со околу 27 милиони евра во денарска противредност. Основното јавно обвинителство за гонење на организиран криминал и корупција до Основниот кривичен суд Скопје поднесе обвинителен акт против три лица кои се товарат дека сториле по едно кривично дело „Предизвикување стечај на банка“, како и обвинителен предлог против едно лице за кривично дело „Несовесно работење во службата“.
Сите вести од Хроника

Најнови вести

To top