Ериона Рамадани и Албина Абази, ученички од Школата за музичка и културна дејност „Дрита“ во Кичево, загинаа во сообраќајна несреќа со четирицикл во село Колибари, кичевско.
Според информациите од Министерството за внатрешни работи (МВР), несреќата се случила вчера, 21 август 2025 година, во 18:05 часот. Во ОВР Кичево било пријавено дека 15-годишна малолетничка од село Колибари, управувајќи четирицикл со кичевски регистарски ознаки, изгубила контрола и излетала од коловозот на локален пат во селото.
„Од здобиените повреди на местото на несреќата починале малолетничката и нејзината малолетна сопатничка од с. Грешница, кичевско. Лекар констатирал смрт, а по наредба на јавен обвинител телата на починатите биле дадени на обдукција. Извршен бил увид од увидна екипа на ОВР Кичево“ велат од полицијата.