Тринаесетгодишно дете од село Черкези, Кумановско, загина синоќа во тешка сообраќајна несреќа на регионалниот пат Куманово–Скопје.
Како што соопшти СВР Куманово, несреќата се случила помеѓу патничко возило „Мерцедес“ со кумановски регистарски ознаки, управувано од 24-годишниот Ф.С. од Куманово, и електричен тротинет на кој се возело детето.
Малолетникот бил итно пренесен во Општата болница во Куманово, каде лекарите ја констатирале неговата смрт.
Возачот на автомобилот е лишен од слобода.
На местото на несреќата увид извршиле јавен обвинител од Основното јавно обвинителство Куманово и увидна екипа од СВР Куманово.