Во судница полна само со новинари, судот условно ги осуди двајцата инспектори и командирот од Кочани кои пишувале прекршоци за непостоечката фирма на газдата на дискотеката „Пулс’“ за злоупотреба на службената положба. Ниту еден од обвинетите полицајци и нивните адвокати, не дојде во судот за да ја слушне објавата на пресудата.
Според обвинението, при полициски контроли тие пишувале прекршочни налози за непостоечка фирма, наместо за фирмата што реално управувала со дискотеката, се со цел газдата на „Пулс“ да не плати казна и да може непречено да работи.
Ова е само еден од трите одвоени судски предмети против полициски службеници поврзани со „Пулс“. Двајца кои денеска беа условно осудени, се обвинети и во другите два предмети поврзани со трагедијата во Кочани.
Во вториот предмет обвинети се девет полицајци. На 24 април се одржа првото подготвително рочиште, но не започна главната расправа. Одбраната побара изземање на обвинителката и судијата, по што судењето се одложи за 1 јуни. Според обвинението, тие со службени дејствија и непостапување овозможиле дискотеката да добие согласности и да продолжи со работа иако не ги исполнувала законските услови.
Во третиот предмет обвинети се 13 полицајци и командири кои за време на трагедијата бвршеле полициска контрола во Пулс. Тие се товарат за тешки дела против општата сигурност. Обвинителството тврди дека тие не презеле мерки за безбедност и не била спречена употребата на пиротехника.
Во најголемиот предмет за кочанската трагедија која се суди во импровизираната судсница во Идризово веќе се сослушаа над 60 сведоци. Минатото рочиште сведочеа вештаци од Судски медицина. Според нив, речиси сите жртви се задушиле од јаглеродон моноксид. Ова судење почна во октомври и засега важи за еден од најобемните судски предмети во послдните 10 години.