Македонија

106 милиони евра за модернизација на Армијата, прием на 300 војници

Модернизацијата на Армијата е процес кој се реализира со силен интензитет

Наместо да вложува во модернизација на Армијата, СДС за седум години власт целосно ја уназади, а војниците ги понижи.

Со преземањето на одговорноста ВМРО-ДПМНЕ да ја води Владата, се соочи со долгови и неисплатени надоместоци на вработените во Министерството за одбрана.

„Раководството на СДС во Министерството за одбрана, не беше способно да ги исплати финансиските побарувања и обврски кои произлегуваат од Колективниот договор, Законот за служба во Армијата, интерните Правилници и Прописи“, се вели во денешното соопштение од владејачката партија.

„Намерно, со години не ги исплаќале надоместоците и сето тоа резултирало сo огромен број тужби од страна на самите вработени.

Се работи за неисплатени дневници кон припадниците на Армијата со години наназад, ноќни часови работа, закупнини, хранарина, заостаната бонус плата за вработените кои имаат надминато повеќе од 150 часови прекувремена работа, јубилејни награди.

Со  многу работа, труд, посветеност и волја се обезбедија средства за да се исплатат законските и заслужено сработените парични надоместоци на вработените.

Се обезбедија финансиски средства во вкупен износ од 13,7 милиони евра за исплата на голем дел од овие заостанати обврски, вклучувајќи ги и оние кои веќе доспеаа како нови, како регресот за годишен одмор.

Ќе бидат наградени сите оние храбри војници 436 (320+116) на број, кои се бореа со пожарите кои ја зафатија нашата држава минатото лето.

Полека, но сигурно се воспоставија и почнаа да се градат темелите и во одбрана, се изнајдоа средства за исплата на побарувањата и почна процес на модернизација на Армијата.

Модернизацијата на Армијата е процес кој се реализира со силен интензитет и за таа цел од буџетот на Одбрана се одвојуваат 32%, односно 106 милиони евра. Тоа е за 18 милиони евра повеќе од минатата 2024 година.

Се донесе Законот за вработените во Министерството за одбрана, со кој се заокружи една етапа во развојот и унапредување на статусот на вработените, се дефинираа процеси кои за првпат произведоа права и обврски, на начин кој претпоставува подобрена слика за мотивираноста на персоналот и угледот на институцијата“ велат од ВМРО-ДПМНЕ.

Најнови вести од: Македонија

Николоски до Касами: Заврши политиката на етнички поделби и непринципиелни политики, соработката во Владата може да продолжи само врз основа на принципи и вредности

„Билал Касами не треба да се срами и да му биде непријатно тоа што Македонците во Тетово гласаа за него во првиот круг. Тој сега треба да им испорача на тие луѓе.“ – нагласи потпретседателот на ВМРО ДПМНЕ Александар Николоски.

Ахмети тврди дека ДУИ и НАИ се „победници во првиот круг на локалните избори“ и пак бара предвремени парламентарни избори

Лидерот на ДУИ Али Ахмети ја нарече коалицијата Вреди „Здружение Газиместан“, асоцирајќи дека била, според него „губитничка политиката“ на Вреди, како што била и политиката на поранешниот српски претседател Слободан Милошевиќ, познат по неговиот говор на Газиместан во Косово во 90-тите години од минатиот век. Но, Али Ахмети со својот „триумфалистички настап“ денес само ги игнорираше многубројните оценки на независни политички аналитичари не само од Македонија, туку и од сиот Балкан, дека оној, што претрпел пораз и тоа „историски“ е токму тој, со укажувања дека и навистина треба да се повлече од политиката.

Најнови вести

To top