Од 10 до 27 јуни агенцијата Маркет вижн, по нарачка на МКД.мк, спровела истражување на јавното мислење во Македонија кое покажа дека нема промени во нивото на доверба во владеачката партија ВМРО-ДПМНЕ и нејзиниот лидер.
Интересен е и податокот дека лидерите на новата политичка партија Влен се во предност во однос на лидерот на опозициската ДУИ.
Според анкетата сега ДУИ води пред ВЛЕН само за 9,6 проценти од сите испитаници а кај определените таа разлика е 1,4 проценти.
Истражувањето беше спроведено во периодот од 10-27 јуни на примерок од 1.200 испитаници, репрезентативен според пол, возраст, етничка припадност, регион и тип на место на живеење согласно податоците од пописот на резидентното население од 2021 година.
Истражувањето е спроведено со методот CATI – Computer assisted telephone interview, односно телефонска анкета на примерок со големина што обезбедува интервал на доверба од 95% и маргина на грешка од +-3%.