Македонија

80 години Црвен крст на Македонија

Со свечена академија под покровителство на претседателката Гордана Сиљановска-Давкова, Црвениот крст на Македонија денеска одбележува 80 години од основањето. Настанот ќе се одржи во Македонскиот народен театар во Скопје со почеток во 19 часот. Црвениот крст на Република Северна Македонија е хуманитарна и независна организација која обезбедува помош при катастрофи, здравствени и социјални услуги, прва […]

1 минута за читање

Со свечена академија под покровителство на претседателката Гордана Сиљановска-Давкова, Црвениот крст на Македонија денеска одбележува 80 години од основањето.

Настанот ќе се одржи во Македонскиот народен театар во Скопје со почеток во 19 часот.

Црвениот крст на Република Северна Македонија е хуманитарна и независна организација која обезбедува помош при катастрофи, здравствени и социјални услуги, прва помош и крводарителство.
Основана е во 1945 година, а како самостоен субјект функционира од 1992 година.
Членка е на Меѓународната федерација на Црвениот крст и Црвената полумесечина од 1995 година.
Нуди поддршка на ранливи категории и активно промовира хуманитарни вредности низ разни проекти и програми.

 

Поврзани теми:

Црвен крст|топ|актуелно

Повеќе на оваа тема:

Најнови вести од: Македонија

Пелегрини: ЕУ се коцка со довербата на Западниот Балкан во неа, кој може целосно да се откаже од европерспективата, поради одложувањата на проширувањето!

Зборувајќи на заедничката прес-конференција во Белград по разговорите со српскиот претседател Александар Вучиќ, претседателот на Словачка Петер Пелегрини предупреди денеска дека „постојаните одложувања на проширувањето од страна на Европската Унија предизвикуваат опасност да се поткопа довербата на Западниот Балкан кон неа. „Европската Унија се коцка со довербата на граѓаните на Западен Балкан.“ – нагласи Пелегрини, додавајќи дека одложувањето на отворањето на преговарачките кластери на ЕУ за Србија претставува „политичка игра од страна на некои земји-членки“. Ова го објави турската информативна агенција „Анадолу ажанси“

Спиропали, шефицата на албанската дипломатија на 22-23.12.2025 во посета на Македонија: средби со државниот врв, лидерите на Вреди и ДУИ Ахмети

„За време на официјалната посета министерката за Европа и надворешни работи во Владата на Албанија Елиса Спиропали ќе ја потврди силната поддршка за европската интеграција на Македонија, нагласувајќи дека проширувањето на ЕУ останува стратегиски инструмент за мир и демократска стабилност во Југоисточна Европа. Во центарот на вниманието на средбите ќе биде и проектот Коридор 8 како стратегиски проект за енергија и безбедност, кој го поврзува Медитеранот со Црното Море.“ – објави информативната агенција на албански јазик Илирија-ИНА од Скопје.

Послеконгресни незадоволства во ДУИ – Мурати: Тоа е куќа со скапани темели! Лесковица: Во неа не остана ниту буквата „Р“ од реформите!

„Конгресот на ДУИ, за кој се трубеше како за процес на длабоки реформи, предизвика бранови на реакции од личности, кои некогаш беа на клучни позиции во извршните и локалните структури на оваа партија. Поранешни вицепремиери, поранешни министри и други функционери го опишаа процесот како ‘фасада’“ и „прикриен авторитаризам’, оставајќи ги настрана принципот на меритократија и заслугите.“ – објави ТВ Алсат во својата анализа со наслов „Конгресот на ДУИ, незадоволство од изборите на Ахмети“.

ТАВ Македонија: Слетаа и полетаа 13 авиони, откажани 20 лета, пренасочени две линии

Бидејќи временските услови се менуваат постојано и секоја авиокомпанија има свој праг на толеранција за слетување и полетување при намалена видливост, апелираме до сите патници да ги следат информациите и насоките за нивните летови кои ги добиваат од нивната авиокомпанија.

Покрај во авионскиот, маглата прави проблеми во и патниот сообраќај

Од УХМР најавуваат дека маглата ќе се задржи по котлините до крајот на денот, а појава на магла се очекува и утре и задутре. Кон крајот на утрешниот ден и во наредните денови, под влијание на влажни воздушни бранови, ќе има повремени локални врнежи од дожд, на места пообилни, додека на планините и повисоките места врнежите ќе преминуваат во снег.
Сите вести од Македонија

Најнови вести

To top