Од ова крило во АА посочуваат три „главни проблеми“.
Прво, како што велат, не се спроведува Законот за употреба на јазиците, особено во службената комуникација со граѓаните, вклучително и при издавање известувања и казни поврзани со „Безбеден град“. Според нив, тоа претставува директно кршење на јазичните права на албанските граѓани во мултиетничка држава.
Второ, се бара „ревизија на висината на казните и дефинирање на толеранциј“, со цел, како што наведуваат, „да не бидат граѓаните неправедно оштетени“. „Безбедноста е важна, но не смее да се гради на сметка на егзистенцијата на граѓаните“, се наведува во соопштението.
Трето, од Алијанса за Албанците посочуваат дека „селективната примена на ‘Безбеден град’ само во три градови е неправедна и дискриминаторска, иако целта на проектот е зголемување на јавната безбедност“.
Партијата бара „итно отворање јавна расправа“ и повикува надлежните институции да ги „уважат забелешките“, со цел, како што наведуваат, „секој ваков проект да биде во согласност со законот, со еднаквоста и со интересот на сите граѓани“.