Историчарката Виолета Ачкоска со пригодно слово за утрешниот македонски национален празник 2 Август.
„Двата Илиндени 1903 и 1944 година се континуитет на една долга борба на македонскиот народ за слобода и државност.
Илинденското востание 1903, организирано од Македонската револуционерна организација, беше возвишен чин на саможртва на народот кој се бореше без сојузници против далеку надмоќната османлиска војска. Тој чин остана длабоко врежан во колективната меморија на Македонците. Како дел од големата антифашистичка коалиција, тие во текот на Втората светска војна создадоа современа држава во вардарскиот дел од поделена Македонија, дел од југословенската федерација. Со референдумот на 8 септември беше прогласена суверена Република Македонија.
Со чинот на АСНОМ, 2 август 1944, еден народ, бездомник со векови, доби свој дом.
Иако не ни дадоа да се израдуваме на слободата, ние сме жилав и мудар народ. Да си ја сакаме и чуваме татковината, создадена со херојство на најдобрите македонски синови.
Честит ИЛИНДЕН Македонци!“, напиша Ачкоска на Фејсбук во својата честитка за Илинден.