„Али Ахмети ќе биде реизбран за претседател на ДУИ на партискиот конгрес што ќе се одржи на 20 декември.“ – истакна заменик-претседателот на ДУИ Арбер Адеми, додавајќи дека ќе има и избори за членови на генералниот совет. Ова го објави ТВ 21.
Телевизијата ја цитира изјавата, што ја даде Адеми во овој контекст: „Во ДУИ има многу луѓе, кои оставиле важни траги и во сите процеси, што ја карактеризираа нашата земја, и во ДУИ како одговорна, сериозна државотворна партија, која има неоспорен легитимитет на Албанците во земјата. Секако, од нас се очекува да имаме одговорни одлуки што се совпаѓаат со барањата на јавноста.“