Фидани е судија на Врховниот суд од 2017 година.
Во неговата биографија објавена на веб-страницата на судот стои дека по завршување на средното училиште и отслужување на воениот рок, во 1985 година се запишува на Правниот факултет на приштинскиот универзитет.
Во 1989 година дипломира.
Работно искуство: од 1990 до 1996 година работи во просвета на работни задачи – правно-административни. Од 1996 до 2005 година работи во Државниот инспекторат за труд на Република Македонија како републички инспектор за труд во областа на работните односи. Од 2005 до 2007 година е секретар на Општина Врапчиште – Врапчиште. Од 2007 до 2011 година е адвокат со седиште во Гостивар. Од 18.7.2011 година е избран за судија во Апелациониот суд Скопје – кривичен оддел.
Со осум гласа „за“ и пет „против“ судијата Африм Фидани беше избран за претседател на Врховниот суд.
За Беса Адеми, која конкурира за повторен мандат, гласаа само двајца членови, а единаесет беа против.