Македонија

Албанската амбасада бара посебна средба на претседателот Бегај со лидерите на албанските партии во македонското Собрание

Според него секое друго толкување што на овој процес му припишува мотиви или цели различни од официјалните е неосновано

2 минути за читање

Во објава со наслов ,,Појаснување за јавното мислење 🇦🇱🇲🇰”, албанскиот амбасадор во Македонија Денион Мејдани објавува дека албанската амбасада бара посебна средба на претседателот на Албанија Бајрам Бегај со лидерите на албанските партии во Собранието.

Мејдани вели дека побараната средба само со лидерите на политичките партии на Албанците во Македонија не треба да се толкува различно од официјалните мотиви и цели кои тој не ги наведува во објавата.

Според него побараната средба само со лидери Албанци е институционална акција, во согласност со дипломатскиот протокол.

,,Во рамките на официјалната посета на претседателот на Република Албанија на Република С. Македонија, Амбасадата на Република Албанија, во име на претседателот, упати барање за организирање средба во просториите на Собранието со лидерите на албанските парламентарни партии.

Ова е целосно институционална акција, во согласност со дипломатскиот протокол и вообичаената практика за организирање состаноци на високо ниво.

Секое друго толкување што на овој процес му припишува мотиви или цели различни од официјалните е неосновано. Амбасадата останува посветена на институционалната коректност, транспарентност и почитување на сите страни”, пишува Мејдани.

Преходно амбасадорот Мејдани вчера објави нејасен пост во кој, без да прецизира за што и за кого зборува, вели:

,,Ние не водиме дневна политика, туку државна политика. 🇦🇱

Се согласуваме само кога сме на иста страна за гарантирање на правата, почитување на меѓународните договори и одење рака под рака кон Европа 🇪🇺🤝”.

Фото: ФБ профил амбасадор Мејдани

Поврзани теми:

топ|Собрание|Бајрам Бегај|албански амбасадор Денион Мејдани|Албански претседател|лидери на политички партии на албанците

Повеќе на оваа тема:

Најнови вести од: Македонија

Весникот „Илинден“, гласникот на Македонците во Албанија – петнаесет години ѕвезда Деница за македонскиот збор

„Петнаесет години истрајност и посветеност – весникот „Илинден“ е жив хроничар на македонската заедница во Албанија, чувар на јазикот и културата и мост што ги поврзува генерациите и дијаспората низ светот. На 1 март 2011 година Македонското друштво ‘Илинден’ – Тирана го издаде првиот број на својот весник ‘Илинден’. Тој прв број, објавен како двоен (март/април), беше симболичен почеток на една медиумска приказна, која денес, петнаесет години подоцна, има 71 издание. Во текот на овие години, весникот не само што обезбеди континуитет и посветеност туку и изгради мостови меѓу заедниците – од Македонците во Албанија, преку читателите во татковината Македонија, па сè до дијаспората низ светот. Секое издание претставува сведоштво за една борба за видливост, за зачувување на јазикот и културата и за афирмација на македонскиот идентитет во услови на постојани предизвици.“ – пишува во статијата, која ја објави денес дневниот весник „Нова Македонија“.

Потпишан договор за изградба на паркинзи во Клиничкиот комплекс – Во првата фаза до втората половина на 2027 најмалку 500 паркинг-места

Министерството за здравство (МЗ) и Град Скопје го потпишаа Договорот за изградба на паркинзи во рамки на Клиничкиот центар „Мајка Тереза“. Договорот е на 15 години, со 10 отсто закупнина од вкупно остварениот промет. Во првата фаза е предвидена изградба на два современи монтажни паркинга, со најмалку 500 паркинг места, кои се очекува да бидат ставени во функција до втората половина на наредната година. Паркинзите ќе бидат, пред се, наменети за пациентите и за вработените во Клиничкиот центар. Планирано е едниот паркинг да биде кај Клиниката за гинекологија, а вториот кај црквата во Клинички. Како што најавија министерот за здравство Азир Алиу и градоначалникот на Град Скопје Орце Ѓорѓиевски пред потпишувањето на Договорот, ако има потреба, ќе биде изграден и трет монтажен паркинг. Ако се утврди дека капацитетите овозможуваат да се паркираат и приватни лица, ќе се овозможи и тоа.

Се возобновува Средното полициско училиште, ќе се запишат 200 ученици! – На 1.7.2026 јавен повик за прием на ученици

Околу двесте ученици ќе се примаат во првата, односно 25 класа на новото државно Средно полициско училиште – Полициска академија, за кое јавниот повик за учебната 2026/2027 година се очекува околу 1 јули. Со него ќе се возобнови средното полициско образование по пауза од 26 години, односно од завршувањето на последната генерација (1996-2000) пред укинувањето на тогашниот Центар за образование на кадри од областа на безбедноста (ЦОКОБ) „Елисие Поповски-Марко“.

Протест на ОМД кон Бугарија: Ако е закана Менкиноски, кој ги брани правата на Македонците пред ЕСЧК, тогаш сите сме закана!

Обединетата Македонска Дијаспора (ОМД) со седиште во Вашингтон, САД, изразува сериозна загриженост и протест поради одлуката на бугарските власти со која на адвокатот Тони Менкиноски му се изрекува 10-годишна забрана за влез во Бугарија.
Сите вести од Македонија

Најнови вести

To top