„Разочарани сме од нејасниот правен одговор од Министерството за правда. Правосудсниот испит има за цел да го оцени правното знаење, а не јазичните познавања, како што истите го образложија тоа. Сѐ уште немаме одговор од дел од адресатите на нашата петиција, но во секој случај ги повикуваме институциите и пратениците да реагираат по ова прашање. Поранешниот министер за правда го депонираше предлог-законот што ја решава нашата проблематика, така што останува пратениците да постапат. Сепак, поминаа две генерации правници откако ја адресиравме оваа проблематика, па затоа сѐ уште нема решение. Ја задржуваме отворена можноста за ескалација на нашата иницијатива со протест“, вели Мевлан Адеми.
По одбивањето на барањето на студентите, од Министерството изјавија правосудсниот испит не може да спроведе на албански јазик, бидејќи служи како тест за активно познавање на македонскиот јазик, што според нив е законски услов за вршење на правните професии. Во однос на Законот за употреба на јазиците, од Министерството за правда наведуваат дека неговата примена не може да се разгледува изолирано, туку во корелација со другите релевантни прописи.
„Бидејќи согласно Законот за употреба на јазиците, македонскиот јазик и неговото кирилично писмо се службен јазик на целата територија на Република Северна Македонија и дека, покрај македонскиот јазик, службен јазик е и јазикот што го зборуваат најмалку 20% од населението кое зборува друг јазик различен од македонскиот, условот за активно познавање на македонскиот јазик е неопходен при полагањето на правосудниот испит, што во суштина претставува услов за полагање на сите наведени испити кои се предуслов за избор на лице за судија, јавен обвинител, адвокат, нотар и извршител“ – велат од Министерството за правда.
Од Министерството за правда додаваат дека Законот за правосуден испит не предвидува полагање на испитот на друг јазик освен македонскиот, иако во законот не постои одредба што експлицитно го забранува тоа, додека Законот за употреба на јазиците ги обврзува институциите да овозможат употреба на албанскиот јазик во сите државни постапки.
Предлог-законот што би овозможил полагање на испитот и на албански јазик беше подготвен во 2024 година, но беше повлечен од дневен ред по промената на власта..Инаку, 385 студенти, Албанци по право преку петиција бараат испитот да се полага на јазикот на кој студираат, како право загарантирано со закон.