„Да ги чуваме наследството и споменот на Свети Климент Охридски, зашто само така ќе се зачуваме и себеси. Народот што ги заборава своите духовни учители постепено го губи и чувството за сопствениот пат, за сопствената иднина.“ – порача поглаварот на Македонската православна црква – Охридска Ариепископија Стефан синоќа на Свечената академија „Во слава на словото“ по повод 1.110 години од упокојувањето на Свети Климент Охридски и 100 години од починувањето на Крсте Петков Мисирков.
„Затоа, потребно ни е и денес постојано да го помниме Свети Климент. Оној што го губи историското паметење, го губи и чувството за сопственото потекло, за својата бит, за својата задача и за своето место во светот.Делото на Свети Климент е дел од нашето историско наследство.“ – нагласи архиепископот Охридски и Македонски Стефан.
Македонска информативна агенција – МИА