Македонија Колумни

„Бледскиот договор“ од 1947 е одговорот на сите спорови, кои ги покренува Бугарија денес кон Македонија, затоа треба да се бара негово почитување!

По потпишувањето на „Бледскиот договор“ во 1947 меѓу Југославија и Бугарија започнува да пулсира македонското чувство меѓу Македонците во Пиринска Македонија, но по неговото еднострано раскинување од страна на Софија во 1949 тоа македонско чувство замира… Продолжуваат жестоките настојувања на Софија за асимилација на на Македонците во Пиринска Македонија и негирањето на македонскиот јазик, идентитет и историја.

„На 1 август 1947 година во Блед, во Словенија е потпишан Договорот за пријателство и соработка меѓу ФНР Југославија и НР Бугарија. Овој договор е произлезен по преговорите меѓу Јосип Броз Тито и Георги Димитров во Блед на 30 и 31 јули и 1 август 1947 година и оттука постои и називот „Бледски спогодби“ Тито – Димитров, или скратено „Бледски договор“. Со него Бугарија тогаш ги признала постоењето на македонскиот народ и неговиот засебен македонски јазик и засебна македонска национална историјa, како различни од етничките карактеристики, јазикот и историјата на бугарскиот народ.

„Македонија била тогаш застапувана во надворешната политика од сојузната, федерална власт. Оттука „Бледскиот договор“ со Бугарија бил потпишан и во името на Македонија. Обврските, кои ги имала преземено Бугарија кон Југославија, во иста и полна мера се однесувале и кон Македонија.“ – се наведува во една статија на „Македонска нација“.

Во статијата натаму се истакнува: „Што содржи „Бледскиот договор“, кој е одговор на сите денешни спорови, кои ги отвора Бугарија кон Македонија? (1) Со договорот Бугарија признава дека била окупатор и се задолжува да плати тогашни 25 милиони долари воена оштета. Тито прифаќа да ѝ прости на Бугарија 25 милиони долари за воена отштета кон Југославија, како добра волја за правата на Македонците во Бугарија. (2) Бугарија го признава официјално постоењето на македонскиот народ и на македонски јазик, како и  постоењето на Македонците во Пиринска Македонија. Ним им дава културна автономија, односно на Пиринска Македонија, со согласност Пиринска Македонија да се обедини со Вардарска Македонија во рамки на една поширока југословенско-бугарска балканска федерација.“

Сведоштво на јазичарот Круме Кепески: Во Пиринска Македонија пулсираше македонското чувство!

Граматичарот и лингвист Куме Кепески во своја статија, објавена за весникот „Вечер“ на 19 декември 1975 година изнесува автентично сведоштво како е изведувана наставата по македонски јазик во Пиринска Македонија по потпишувањето на „Бледскиот договор“ и воопшто каков бил односот кон Македонија и македонскиот народ.  Пренесуваме само некои од поважните делови од оваа статија на Круме Кепески.

„Летото 1947 година со специјален закон, изгласан во Великото народно собрание на НР Бугарија, во училиштата во Пиринска Македонија се воведоа како училишни предмети македонскиот литературен јазик и македонската национална историја. Во истата година, по барање на НР Бугарија заминаа голем број културни и просветни работници од НР Македонија, за да ја започнат реализацијата на културно-националната автономија во Пиринска Македонија. Во есента 1947/48 година, или поточно во почетокот на месец ноември, бев вклучен како професор во Учителскиот институт во Горна Џумаја, (Благоевград). Во таа учебна година, според спогодбата на НР Бугарија и ФНР Југославија, а по барање на бугарската влада, во сите градови и поголем број пирински села беа назначени учители – професори од НР Македонија, кои предаваа македонски јазик во основните училишта и гимназиите. Населението од Пиринска Македонија не прими со радост и задоволство.“

„Јас предавав македонски јазик во Учителскиот институт, во кој студираа студенти, кои во текот на двегодишните студии се подготвуваа за учители во основните училишта во Пиринска Македонија. Во Институтот беа запишани свршени матуранти од Пиринска Македонија, а нивниот број изнесуваше околу 80. Предавав македонски јазик. Се учеше факултативно, покрај бугарскиот јазик, на кој се предаваа другите предмети. Студентите, родум од Пиринска Македонија, со ентузијазам го учеа македонскиот јазик, иако тој беше факултативен.“

„Во Горна Џумаја беше основан и работеше Македонскиот народен театар. Во него работеа заеднички артисти од Пиринска Македонија и НР Македонија, а беа раководени од истакнатите драмски уметници Илија Милчин и Крум Стојанов. Тука се подготвуваа пиеси од македонски, како и светски автори како на пример ‘Печалбари’ од Антон Панов. Овој театар не само што прикажуваше пиеси на македонски јазик во Горна Џумаја, туку патуваше и даваше претстави и во другите градови и поголеми села во Пиринска Македонија. Во зградата на Македонскиот театар, исто така, се приредуваа претстави и со друга просветно-културна програма. На тие приредби се пееја македонски народни песни, се рецитираа стихови од македонски современи автори како што беа Славко Јаневски, Блаже Конески, Ванчо Николески, Ацо Шопов и др. Претставите обично завршуваа со македонски народни ора.“

Гостување на писатели

„Во учебната 1947/48 година, во Горна Џумаја се одвиваа голем број културно-просветни манифестации. Така, заради запознавање на Пиринска Македонија, тогаш дојдоа на екскурзија во овој град студенти од група географија од скопскиот Филозофски факултет. Во текот на 1948 година, во Горна Џумаја за студентите од скопскиот Филозофски факултет организираше и заедничка веселба на која се пееја македонски народни песни и пулсираше македонското чувство. Летото 1948 година се прекрати овој развој на полето на културата и просветата на македонски јазик во Пиринска Македонија.“ – има напишано, покрај другото, Круме Кепески во таа статија во1975 година. 

По судирот на СССР и Сталин со Тито и Југославија во 1948 година Бугарија на 1 октомври 1949 година еднострано го раскинува „Бледскиот договор“, само не оној дел, во кој Југославија ѝ простува 25 милиони долари, што требаше да ги плати како воена репарација од окупацијата на Македонија. Раскинувајќи го „Бледскиот договор“, Бугарија ги поништува целосно правата, што им ги призна и им ги даде на Македонците во Пиринска Македонија.

Македонија треба веднаш да прекине секакви преговори за историјата со Бугарија и да бара да ги почитува потпишаните документи од 1947 година

Професорот по историја д-р Александар Атанасовски вчера на својот фејсбук профил ја сподели следнава објава: „ Бугарија се откажала од цар Самоил уште во 1947 година. Уште во 1947 година историски комисии помеѓу Македонија и Бугарија ги уредиле бугарските погледи на македонската историја. Тогаш се објавени документи за исправки на историските читанки во Бугарија. Во документите стои дека промените се со цел да се спречи великобугарскиот шовинизам и се однесуваат на различни историски периоди. Во еден од документите стои дека Самоиловата држава не е западнобугарска држава, туку типична феудална држава во која доминантно население се македонските Словени. Во бугарската историја треба да ја пишува вистината дека Климент и Наум се сесловенски просветители, а Кнежеството на Пребонд е првиот обид на македонските Словени да создадат независна држава, а дека браќата Миладиновци се македонски просветители. Денес Бугарија не го почитува потпишаното од 1947 година.

 Зошто Македонија во моментов преговара за сопствената историја и за работи, кои биле дефинирани и договорени?

„Со Договорот од Блед Бугарија се залага да ги осигура правата на Македонците во Пиринска Македонија (денес Бугарија) во слободен национален, економски и културен развој и воопшто односите на Бугарија спрема Македонија. Нека биде овој документ пример како треба да биде претставена вистинската историја пред 1945, која дефинитивно не е бугарска. Македонија треба веднаш да прекине секакви преговори за историјата со Бугарија и да бара бугарската страна да ги почитува потпишаните документи од 1947 година. – се нагласува во објавата на фејсбук, што ја сподели македонскиот историчар Атанасовски.

 

Најнови вести од: Македонија Колумни

Николовски: СДС е најголемата криминална банда во историјата на Македонија! Ја опустошија и вршеа национални предавства!

„Потребна е голема мобилизација на овие избори. Масовно да се излезе на 19 октомври, да гласаме за број 9 и да победиме уште во првиот круг, за да ѝ ставиме конечен крај на оваа банда.“ – кажа потпретседателот на Владата на Република Македонија и потпретседател на ВМРО ДПМНЕ Александар Николовски во текот на вчерашните обраќања на митинзите во Струмичко.

Мицкоски: Секој миг ги градам темелите на Македонија, кои ги уриваа СДСМ, но ќе им се скинат куферчињата со пари, што ги добиваа за тоа од Бугарија!

„Служејќи им како слуги на нивните политички господари од источниот сосед СДСМ ја разурнаа државата и направија системот да пропаѓа, кои сега мораме да ги градиме од нивните темели. Но нека не создаваат лажна слика на душогрижништво, затоа што темелите на овој дом се составени од надежите, мотивите и жртвата на илјадници луѓе, кои се вградија во тие темели. Целото мое време го посветувам, за да ја кренеме Македонија, ама нека не се залажуваат и нека не помислуваат дека заборавив сѐ, што ѝ направија на државата!“ – им порача претседателот на Владата на Република Македонија и лидер на ВМРО ДПМНЕ Христијан Мицкоски на лидерот на СДСМ Венко Филипче, неговиот гуру Зоран Заев и на нивните сопартијци од вечерашниот митинг во Струмица.

(Видео): Пукна водоводна цевка во Скопје, делови од градот без вода за пиење

ЈП „Водовод и канализација – Скопје“ соопшти дека поради сериозен дефект на водоводна цевка Ф600 мм на улица Франце Прешерн 100Д во населбата Влае, голем дел од градот е без вода, а останатите делови имаат намален притисок.

Арифи: Ерата на Ахмети е завршена, сега се бори за преживување и зачувување на богатството и влијанието, а не за заштита на интересите на Албанците!

„Лидерот на ДУИ Али Ахмети повеќе не може да дише дома, затоа се обидува да добие политички кислород во Тирана и Приштина. Бара поддршка од странство, бидејќи тука, меѓу Албанците кои некогаш му веруваа, довербата згаснала. Ахмети пројавува страв од правдата, дека ќе ги загуби тендерите, моќта, привилегиите и незаконски стекнатото богатство. Затоа се свртува кон носталгијата за војната и шири омраза.“ – нагласува Латиф Арифи, националниот координатор за комуникации и медиуми во Владата на Република Македонија, реагирајќи остро кон најновиот „Почесен докторат на науки“, што му го додели Европскиот универзитет во Тирана деновиве на шефот на интегративците“, поради „неговиот придонес кон правата на Албанците во ‘РСМ’.

To top