Во сатиричен текст со наслов ,,ПРЕДЛОГ” Богдан Илиевски ги коментира македонските политичари кои за големиот христијански празник Богородица на 28 Август во земјава носат музичари од соседството кои ги плаќаат прескапо и со тоа се фалат.
На рекламите за концертите на Богородица кои ги објавува Илиевски алијас Бетмен Велит има премногу малку македонски пејачи.
Тој дава ироничен предлог како да се замени традиционалната изрека која се користи за луѓето што шетаат низ просторите на екс Југославија.
,,Во чест на Пресвета Богородица (Боже ми прости!) ќе имало магични ноќи со Мирза Селимовиќ, Цеца, Дејан Петровиќ, Саша Ковачевиќ :)))))
Ваму на гроздобер слаткар продакшан букирале некоја Џехеверовиќ, Беквалац, Харис Џиновиќ, Шерифовиќ.
А сега предлогот.
Анегдоталната приказна „кога одиш низ Македонија немој ни да играш, ни да пееш“ да се промени во „кога одиш низ Македонија исто ко низ бановина, свиркај, пеј и тезги жнеј“.
Ама се додека имаме турско ропство во сериите и српско ропство во музичките „спектакли“, без ИЧ вложување во сопствени серии и музика (чест на ИСКЛУЧОЦИ), ќе е вака.
Вашар. Идентитетот лесковачки роштиљ, крај охридското езеро”, пишува Илиевски.