Македонија

Царинска управа: Драги Рашковски сакал да премине граница со 20.000 евра во кеш

Екс генерален секретар во Влада

1 минута за читање

Поранешниот генерален секретар на Владата, Драги Рашковски, сакал да пренесе поголемо количество на готовина преку граница отколку што е дозволено.

За Канал 5 од Царинската управа појаснија дека инцидентот се случил на граничниот премин Ново Село од Бугарија кон Македонија. Во обидот за нелегално изнесување пари, тој бил задржан на ГП Ново Село , а вишокот пари му биле конфискувани. Од Царинската управа велат дека во овие моменти се прави таканаречена девизна постапка за случајот, а еврата биле најдени во возилото сместени до менувачот.

Претходно Рашковски на ФБ објави демант во кој вели дека не пренесувал пари во Грција и дека наводите во медиумите се невистинити.

„Во врска со некои натписи на медиумите дека сум задржан на граница со Грција се апсолутно невистина.

Станува збор за легално пријавени средства на царинскиот службеник со извод од банка кои се внесуваат во државата, а не се изнесуваат. Ве молам како медиуми да не ширите невистини“, објави Рашковски.

Поврзани теми:

медиуми|топ|граница|демант|пари|Царинска управа|Драги Рашковски

Повеќе на оваа тема:

Најнови вести од: Македонија

На паркинг на булеварот „АСНОМ“ во Скопје, оштетени 34 возила!

Не едно, не неколку, туку рамно 34 возила се оштетени на паркингот на булеварот „АСНОМ“ (од Ново Лисиче кон населба Аеродром) – некој решил да се „забавува“, или за што станува збор?! Екипа од СВР Скопје извршила увид, известен е јавен обвинител и се преземаат мерки за пронаоѓање на сторителот и за целосно расчистување на случајот, велат од полицијата.

Над половина од семејствата со повеќе деца едвај крпат крај со крај

Просечно секој петти граѓанин во државата живее во сиромаштија, а според последните податоци на ДЗС за лани, стапката на сиромаштија во земјата изнесува 21,9 %. Најизразена е кај децата до 17 години каде процентуалноста пак достигнува 29,5 % што укажува на тоа дека речиси една третина од младите деца живеат во сиромаштија. Кај вработените лица, стапката на сиромаштија во 2024 година изнесува 7,9 проценти, што укажува на присуство на т.н феномен на „сиромашни вработени“ – лица кои и покрај тоа што имаат работа, остваруваат приходи под прагот на сиромаштија.

Шабани: Огромното мнозинство од младите во РМ воопшто не се заинтересирани за темите, за кои зборува Али Ахмети, „доживотниот цар на ДУИ“!

„Без нови личности и визија, ДУИ се изложува на опасност да остане во опозиција долго време. Конгресот на ДУИ произведе незадоволство, а не реформи. Лошото во врска со Конгресот на ДУИ е тоа што не со замина Али Ахмети, кој е главниот виновник за поразот на ДУИ на локалните избори одржани во октомври. А тој сака да остане цар, самовладетел во ДУИ до својата смрт! Огромното мнозинство од младите луѓе во земјата, особено оние родени по Охридскиот договор, воопшто не се заинтересирани за темите за кои зборува Али Ахмети.“ – се нагласува во анализата, која е објавена во весникот на албански јазик „Бота сот“ од Приштина, Косово со наслов „Поделба во ДУИ по изборот на раководството на Конгресот“.

Хаос во центарот на Скопје: „Сеат“ удри во три паркирани автомобили, контејнери, автомобили во движење и семафор

Вистински хаос се случил во петокот околу 12:30 часот на улицата Григор Прличев во Скопје, кога патничко возило „сеат“ предизвикало серија судири, оштетувајќи повеќе автомобили, контејнери и градска инфраструктура.

ДУИ со реакција за случајот со креветот

Премиерот сe уште нема побарано извинување за неоснованите и навредливи обвинувања што јавно ги упати кон албанските службеници во Министерството за меѓуетнички односи, со што ги навреди не само нив, туку и нивните семејства, велат од ДУИ.
Сите вести од Македонија

Најнови вести

To top