„Али Ахмети му се обрати на премиерот Христијан Мицкоски од Тетово: Ако не го продолжи С.Македонија својот пат кон ЕУ, тогаш граѓаните на оваа земја нема да имаат друг избор освен некои да одат со Албанија, а другите со Бугарија!“ – објави информативниот портал на албански јазик „Тетова сот“ во својата вест со наслов „Али Ахмети: Ако Македонија не влезе во ЕУ, тогаш некои ќе бидеме со Бугарија, некои со Албанија (ВИДЕО)“
„Лидерот на ДУИ Али Ахмети објави дека коалицијата Национална алијанса за интеграција вечерва го отвори својот изборен штаб во Тетово. Тој нагласи дека нивното единство е гаранција оти никој не може да ги запре.“ – извести ТВ Шења во својата информација со наслов „Ахмети од Тетово: Албанците се подготвени да ги бранат достоинството, еднаквоста и европската иднина“.
Во овој контекст телевизијата ја цитираше изјавата, што ја даде Али Ахмети во овој контекст: „Денес во Тетово беше нашиот изборен штаб, означувајќи важен чекор во историскиот плебисцит, што нè очекува. Оваа извонредна мобилизација е доказ дека Албанците се обединети, решени и подготвени да ги бранат достоинството, еднаквоста и европската иднина на земјата. Обединувањето на политичките сили во овој сојуз е нашиот најсилен одговор на предизвиците, кои ги сервираат ‘задоцнетите патриоти’. Знаеме дека не е лесен нашиот пат, но нашето единство е гаранција оти никој не може да нè запре. Овој плебисцит не е за една партија, ниту за еден поединец, туку за сите Албанци и за нашата земја.“