За време на предизборниот молк заклучно до 7 часот утрово, до отворањето на избирачките места, се регистрирани 10 пријави за нарушување на изборниот молк од кои по 3 на подрачјето на СВР Скопје и на СВР Охрид, 2 на подрачјето на СВР Штип и по една на подрачјето на СВР Тетово и на СВР Битола. По преземени мерки не се потврдени пријавите за 6 настани, информира портпаролот на МВР, Гоце Андреевски.
– Покрај ова, регистрирани се 19 објави на социјалните мрежи за време на изборниот молк кои се однесуваат на повик за гласање за одредени кандидати, како и објавени видеа и слики од партиски активности во штабовите. Во врска со вчерашното гласање регистриран е настан за фотографирање кочан со гласачките ливчиња во основното училиште „26 Јули“ во општина Шуто Оризари, при што е приведено едно лице и се преземаат мерки за расчистување на настанот – посочи Андреевски.
Нагласи дека на сите подрачја гласањето на болни и изнемоштени лица и затвореници помина без нарушување на гласањето.