Македонија

Димитриеска-Кочоска: Не за дополнително оптоварување на граѓаните, данокот за нов стан треба да остане на 5 отсто

Министерката за финансии нагласи дека Владата ќе објави одредени краткорочни мерки против високата инфлација, нагласувајќи дека сепак се потребни подолгорочни решенија.

1 минута за читање

 Потпретседателката на ВМРО-ДПМНЕ и министерка за финансии Гордана Димитриеска-Кочоска истакна дека не е потребно дополнително оптоварување на граѓаните со зголемување на постојната стапка од пет отсто, осврнувајќи се на истекувањето на повластената стапка за купување нов дом.

„Сѐ уште анализираме, ќе се огласиме со конечна одлука, но сметам дека не ни треба дополнително оптеретување на граѓаните. Буџетот е таков каков што е, собирањето на приходите е во добра насока, сѐ е како што си било планирано. Се внимава многу на расходите. Посебно во врска со оние млади лица, кои  што купуваат самостојно станови, или кога тие ќе влезат во брачна заедница со брачниот партнер, сметам дека во моментот не е потребно да бидат дополнително оптоварувани.“ – нагласи министерката Димитриеска-Кочоска.

Таа додаде дека Владата ќе објави мерки против високата инфлација. „Владата во овој период подготвува некои мерки, ќе објавиме некои предлози. Но повторно тие би биле на краток рок. Нам ни треба решение,  кое ќе биде подолгорочно.“ – укажа Димитриеска-Кочоска.

Поврзани теми:

Гордана Димитриеска Кочоска|станови|влада на Македонија|инфлација|данок|министерка за финансии|краткорочни мерки|долгорочни решенија

Повеќе на оваа тема:

Најнови вести од: Македонија

Премиерот Мицкоски денес на поставување камен темелник на нова училишна спортска сала во Колешино

Министерството за спорт ја заокружува 2025 година со значајни резултати во делот на спортската инфраструктура. Реализацијата на капиталните проекти и вложувања во изградба, обнова и реконструкција на спортските објекти се еден од главните приоритети на Министерството за спорт во изминатите 16 месеци со јасна цел – создавање на современи и безбеди услови за спорт и рекреација во секоја општина низ државата. Во рамките на оваа заложба Министерството за спорт реализира 41 инфраструктурен проект во 22 општини. Изградени и реконструирани се над 30 мултифункционални спортски центри, изградена е атлетска патека во Гевгелија, целосно реконструирани се неколку спортски сали, а започна и постапката за изградба на три нови спортски сали – во Воената академија во Скопје, во општина Аеродром (кај ФФМ) и во Крушево.

Јавните претпријатија со милионски загуби, како да се надмине проблемот?!

Според истражувањето на Центарот за граѓански комуникации, на првите три места со најголеми загуби во земјава лани биле три скопски јавни претпријатија: „Водовод и канализација“, „Улици и патишта“ и „Комунална хигиена“. Само скопски „Водовод“ имал загуба од 4,2 милиони евра, „Улици и патишта“ од 2,6, а „Комунална хигиена“ од 1,2 милиони евра.

Сите вести од Македонија

Најнови вести

To top