Заменикот министер за надворешни работи, Зоран Димитровски, за време на неговото учество во емисијата „Само вистина“ на Канал 5, изјави дека партијата ДУИ на никаков начин не треба да се повикува на настаните од војната во 2001 година во текот на предизборната кампања.
„Вие не смеете со таква реторика да ги поттикнувате, вие напротив, како граѓанин на Македонија, Албанец со сите права на Албанците кои што еве сте ги реализирале меѓу другото, не можете да потсетувате сега на војната од 2001 година. Зошто? Затоа што замислете некоја македонска политичка партија, да речеме СДСМ или ВМРО-ДПМНЕ да излегува на митинзи со слики од војната како бомбардира не знам хеликоптери го надлетуваат Арачиново и фрлаат ракети таму. Како тоа ќе се толкува од страна на Албанците? Значи вие не можете со тие слики сега да ги плашите, односно да ги потсетувате на некој начин и Албанците дека сте биле во револуционерна УЧК и да ги плашите Македонците“, рече тој.
Според него, ваквата форма на кампања воопшто не е соодветна ниту за локалните, ниту за националните избори.
https://www.instagram.com/reel/DPPR4xdDLm8