Македонија

Димовски: Борбата на македонскиот народ за слобода не е завршена

Поранешниот пратеник Илија Димовски со пригодна „реч“ за седумгодишнината од потпишувањето на Преспанскиот договор, со кој им беше сменет личниот опис на Република Македонија и на македонскиот народ. „Борбата на македонскиот народ за слобода не е завршена. 17 јуни 1990 година, ние Македонците одлучивме дека ќе ја воозобновиме старата идеја на ВМРО за слободa на […]

2 минути за читање

Поранешниот пратеник Илија Димовски со пригодна „реч“ за седумгодишнината од потпишувањето на Преспанскиот договор, со кој им беше сменет личниот опис на Република Македонија и на македонскиот народ.

„Борбата на македонскиот народ за слобода не е завршена.

17 јуни 1990 година,

ние Македонците одлучивме дека ќе ја воозобновиме старата идеја на ВМРО за слободa на Македонија. Таа идеја се воозобнови во ликот на партијата ВМРО-ДПМНЕ.

Воозобновувањето на идејата беше повеќе од партија, беше идеал, беше идеја, беше платформа, беа солзи на нашите мајки.

Слободата на Македонија, слободата на македонскиот народ и сите рамноправни на него луѓе, човековите права на Македонците во соседството, правото на збор, јазик, мисла, правото на училиште, песна, оро, правото на образование на својот јазик, правото на гордост и правото на отсуство на страв дека си Македонец, се базични и непроменливи темели на слободарската и прогресивна идејата на ВМРО.

17 јуни 2018 година,

со потпишување на Преспанскиот договор, македонскиот народ го изгуби своето право да одлучува за себе, своето име, својот идентитет, своето единство и својата иднина.

Нас Македонците не ставија во затворена рамка, во затворен круг, во затворен квадрат, поделени, да поделени во мисловен, културолошки, етнички и идеолошки пакет и пакети кои тие ги посакуваа.

Затоа, првиот датум нека не потсетува дека борбата за слобода на Македонија не е завршена. Секоја шанса, секоја можност, секоја историска отсечка и секоја прилика или неприлика која може да донесе промена и може да донесе остварување на идеалот за слобода мора да биде користена.

Ништо и никој не е позначаен од идејата за слобода на Македонија.

Кога се изгледаше изгубено, се роди нова шанса. Се воозобнови идејата на ВМРО. Се создаде држава, војска, пари, репрезентација.

Кога се изгледа изгубено, пак ќе се роди шанса. И овој пат низ слободарската идеја на ВМРО, македонскиот народ ќе ја најде својата патека за слобода и човекови права, за себе и за сите како нас.

П.С. Поклопувањето на датумите не е случајно.

П.П.С. Местото на потпишување на Преспанскиот договор, исто така, воопшто не е случајно.

П.П.П.С. Секој компромис што ја губи душата на народот не е договор, туку одлагање на вистината“, објави Димовски на Фејсбук.

Поврзани теми:

Преспански договор|Илија Димовски|Фејсбук

Повеќе на оваа тема:

Најнови вести од: Македонија

(Видео): Има пари за луксузирање на владата, граѓаните не можат да се прехранат, реагира Филипче

Филипче посочи дека растот на цените на енергенсите и горивата директно довел до поскапување на основните прехранбени производи. Раст на цените и притисок врз граѓаните.

(Видео): Снабдувањето со нафта во Македонија е стабилно, немаме негативни очекувања, вели премиерот

Снабдувањето со нафта и нафтени деривати во Македонија е стабилно и нема да има ограничување на точење, како што најавија некои од земјите во регионот. Премиерот Христијан Мицкоски вели дека потрошувачката на нафтени деривати е зголемена за повеќе од 10 проценти, со оглед на тоа што и граѓани на соседните држави полнат гориво на бензинските во пограничните места во Македонија, затоа што тука е поевтино, во некои случаи и за половина евро по литар.

Уапсени седум безобѕирни возачи, меѓу нив пијани, со забрани, и еден малолетник!

Седум возачи завршија во полициска станица во изминатото деноноќие, поради безобѕирно возење на патиштата низ државата. Меѓу нив имало и малолетник зад волан. Најголем дел од приведените, четворица, возеле без возачка дозвола. Еден од нив бил малолетник, кој бил затекнат како управува возило во Тетово. Други случаи на возење без дозвола биле забележани  во Гостивар, Кавадарци и Прилеп.

Проектот за брз автобуски превоз во Скопје ќе се реализира со заем од 70 милиони евра од ЕБРД!

Вицепремиерот Александар Николоски објави дека Владата дава силна поддршка за реализација на проектот за брз автобуски превоз (БРТ) во Град Скопје. Тој нагласи дека средствата од 70 милиони евра ќе бидат обезбедени преку заем од ЕБРД, а рокот за завршување е февруари 2029 година.

Влада: Треба да се почитуваат основните принципи на професионално и етичко однесување во медиумскиот простор! – Недоличното однесување на новинарот Адеми кон Јаневска не е изолиран инцидент!

„Заштитата и унапредувањето на слободата на медиумите и правото на новинарите да поставуваат прашања од јавен интерес, без никакви ограничувања или притисоци се наша обврска, но истовремено, нагласуваме дека ова право подразбира и обврска за професионално, достоинствено и етичко однесување. Слободата на изразување не смее да биде изговор за нарушување на личниот и институционалниот интегритет – се вели во реакцијата на Владата, објавена денеска, а во врска со вчерашниот инцидент во Тетово. „Ти рековме да си земеш преведувач кога доаѓаш во Тетово?!“ – со оваа националистичка провокација ѝ се обрати новинарот Невриј Адеми кон министерката за образование Весна Јаневска за време на промоцијата на реновираното училиште „Моша Пијаде“ вчера во Тетово, кога ја праша Јаневска дали при доаѓањето во Тетово, зела и преведувач од македонски на албански јазик, со очигледна намера да предизвика скандал. На тоа Јаневска рече дека не ѝ треба преведувач и оти не знае кому му треба преведувач во Македонија за македонски јазик. Ова го објави „Плус инфо“.

Милановиќ: Има живот и без ЕУ, и тоа успешен и достоинствен! – Македонија сама одлучува што е најдобро за неа и кој пат ќе го избере!

Има живот и без ЕУ, кажа хрватскиот претседател Зоран Милановиќ по средбата со претседателката Гордана Сиљановска-Давкова во Загреб, осврнувајќи се на долгогодишниот процес на пристапување на Македонија кон ЕУ. Тој додаде дека на Македонија ѝ се поставуваат премногу услови и барања. Сиљановска-Давкова е во официјална посета на Република Хрватска.

Кривична пријава за четворицата битолчани, кои му се закануваа на министерот Тошковски, ем и снимајќи ја таа нивна „забава“!

СВР Битола поднесе кривична пријава против М.Ф.(59), М.Р.(48), Д.Ф.(45) и Ј.Ф.(41), сите од Битола, поради постоење основи на сомнение за сторени кривични дела „предизвикување омраза, раздор или нетрпеливост врз национална, расна верска и друга дискриминаторска основа” и „поттикнување”.

Сиљановска-Давкова: Нема место за двојни стандарди во евроинтегрирањето, кое не смее да биде оптоварено со историски, јазични и идентитетски прашања!

На официјална церемонија со највисоки државни и воени почести претседателката на Република Македонија Гордана Сиљановска-Давкова денеска во Загреб беше пречекана од претседателот на Република Хрватска Зоран Милановиќ. Двајцата претседатели одржаа „лице-в-лице“ средба, по што следуваше пленарен состанок на македонската и хрватската делегација, кои во средиштето на вниманието ги ставија традиционално пријателските заемни односи. Со тоа започна дводневната официјална посета на Сиљановска-Давкова на Хрватска. На заедничката прес-конференција Сиљановска-Давкова истакна дека членството во Европската Унија останува една од стратешките определби на државата и се заблагодари за пријателскиот однос, поддршката и разбирањето од страна на Хрватска, како и за помошта во отворањето нови перспективи и можни решенија во процесот на европските интеграции.
Сите вести од Македонија

Најнови вести

To top