Поранешниот пратеник Илија Димовски го скицира „националниот македонски ‘рбет“.
„Повеќе од економијата, ова е оската на македонската историја. Регионот помеѓу Велес, Прилеп, Битола, Демир Хисар, Кичево, до Костур, Воден и Лерин е националниот македонски рбет.
Нема востание и револуционерна борба која во овој регион не била над 80 отсто од вкупното македонско национално движење. Комитските чети на ВМРО, партизанското движење, просветата, слободарската мисла и идеја за Македонија во најголем дел се темели на оваа македонска трансверзала.
Можеби српското, бугарското, грчкото или албанското приоретизирање на инфраструктурата е различно, некои сакаат повеќе коридор 10, некои коридор 8, но ние мораме да вложиме во македонскиот коридор, да ги поврземе Скопје и Битола“, напиша Димовски на Икс.