Одлуката беше донесена во Централното собрание на Партијата објави лидерот на партијата која пред неколку денови ги прекина односите со Али Ахмети и со Европскиот фронт.
„Централното собрание одлучи дека Демократската партија на Албанците одбива да учествува во оваа политичка маскарада наречена избори и нема да имаме кандидат на овие избори“, објави Тачи.
Тачи понатаму објаснува некои од причините:
„Господинот Ахмети свесно влезе и зеде како сојузници двајца заколнати непријатели на ДПА кои не штедеа ништо за да ѝ наштетат на оваа партија, а Собранието (на партијата) заклучи дека соработката со Ахмети и ДУИ е целосно невозможна“, изјави лидерот на ДПА, Мендух Тачи.
Тачи пред неколку дена изјави дека повеќе нема политички односи со Али Ахмети и дека политичката соработка меѓу нив не продолжува.